نه‌ورۆز له كه‌ركوك به جۆش و خرۆشه‌وه پیرۆز ده‌كرێت
له كه‌ركوك له شیوه سور نه‌ورۆز به به‌شداری سه‌دان كه‌س پیرۆز ده‌كرێت.
به به‌شداری سه‌دان كه‌س له دانیشتووانی ناوچه‌كه و كه‌ركوك نه‌ورۆز له شیوه سوری كه‌ركوك پیرۆز ده‌كرێت.
له گۆڕه‌پانه‌كه وێنه‌كانی رێبه‌ری گه‌لی كورد عه‌بدوڵا ئۆجالان، وێنه‌كانی شه‌هیدان، ئاڵاكانی ته‌ڤگه‌ری ئازادی، ره‌ژاك و ره‌نگه‌كانی سه‌وز، سور و زه‌رد هه‌ڵدراون.
دوای خوله‌كێك بێده‌نگی بۆ رێزلێنان، ئاگری نه‌وررۆز له‌لایه‌ن بنه‌ماڵه‌ی شه‌هیدان ده‌كرێته‌وه.
له گۆڕه‌پانه‌كه‌دا بێ پسانه‌وه دروشمه‌كانی ‘بژی سه‌رۆك ئاپۆ‘ و ‘نه‌ورۆز پیرۆز بێت‘ ده‌وترێنه‌وه.
په‌یامی ته‌ڤگه‌ری ئازادی و كۆمیته‌ی ئاماده‌كار له‌لایه‌ن نه‌وزاد به‌كره‌وه خوێندرایه‌وه. نه‌وزاد به‌كر له‌سه‌ره‌تادا نه‌ورۆزی له بنه‌ماڵه‌ی شه‌هیدان، پێكهاته‌كانی كه‌ركوك و له هه‌موولایه‌ك پیرۆز كرد.
به‌كر باسی له‌وه‌كرد، كه نه‌ورۆز پێكه‌وه ژیانه و وتی، "په‌یامی سیاسی ته‌ڤگه‌ری ئازادی له‌سه‌ر پێكه‌وه‌ژیانی هه‌موو پێكهاته‌كانی هه‌رێمه‌كه‌یه. پێویسته ئێمه هه‌موو پێكهاته‌كان نه‌ورۆز بكه‌ینه نه‌ورۆزی ئاشتی، له دژی گه‌نده‌ڵی و دزی و بوه‌ستینه‌وه".
به‌كر باسی له‌وه‌كرد، كه پێویسته هه‌موو كه‌س بۆ ئازادی رێبه‌ری گه‌لی كورد عه‌بدوڵا ئۆجالان كار بكات و بكه‌وێته جوڵه و هه‌وڵه‌وه و وتی، "ئۆجالان رێبه‌ری گه‌لانه. رێبه‌ری مرۆڤایه‌تییه".
دواتر هونه‌رمه‌ند پێشه‌وا ره‌مه‌زان چووه سه‌ر شانۆ و گه‌ل له‌به‌ر گۆرانی گۆڤه‌ند و هه‌ڵپه‌ڕكێیان ساز كرد.
پیرۆزباییه‌كه به‌رده‌وامه.
هـ . ب
