ناوەندی ڕاگەیەندن و چاپەمەنی هەپەگە لە ڕاگەیەندراوێکدا ناسنامەی شەھیدێکی بڵاوکردەوە.

لە ڕاگەیەندراوەکەدا ھاتووە:

"دەوڵەتی تورکی کۆلۆنیالیستی قرکەر، لە مانگی تەمووزەوە، دەستی بە ئۆپەراسیۆنی داگیرکاری بەرفراوان بۆ سەر گارزان کردووە. لە بەرامبەر هێرشەکانی سوپای تورک، کە هەموو جۆرە تەکنەلۆژیایەک شەڕی دەکرد و بەردەوام بۆردومانی دەکرد. ھاوڕێیانمان بەشێوەیەکی فیداکارانە خۆڕاگریان کرد و وەڵامێکی مێژووییان بە داگیرکەران دایەوە. لە هێرشەکانی دوژمن و شەڕی دژوار، لە ڕۆژی ١١ی ئابدا، هاوڕێی گیانبازمان بێریتان سیسەر تا دوا هەناسەی شەڕی کرد و شەهید بوو.

هاوڕێی گیانبازمان بێریتان لەو ساتەوەی پەیوەندی بە ڕیزەکانی پارتەکەمانەوە کرد، بە کەسایەتی جەوھەری خۆی بۆ فەلسەفەی ڕێبەر ئاپۆ تەرخان کرد و بەروپێشچوونی گرنگی لە کەسایەتییەی خۆیدا دروست کرد. هاوڕێمان بێریتان شارەزایی خۆی لە ڕووی سەربازی و ئایدیۆلۆژیاوە بەرزکردەوە و بوو بە فەرماندەیەکی پێشەنگی یەژا ستار. ھاوڕێکەمان وەک شێوازێکی ژیان لە گیانبازی دەڕوانی، لە شەڕدا هێڵی فیداکاری بە تەواوی و بەبێ کەموکوڕی جێبەجێ کرد و بوو بە یەکێک لە باشترین نموونەکانی گیانبازی ئاپۆیی.

سەرەخۆشی خۆمان ئاراستەی بنەماڵەی بەنرخی هاوڕێمان بێریتان سیسەر ژنی قارەمانی بۆتان و هەموو گەلی وڵاتپارێزی کوردستان دەکەین. لە کەسایەتی هاوڕێمان بێریتان، بەڵێنی بە سەرکەوتن گەیاندنی تێکۆشانی ئازادی، کە بە هەموو شەهیدانمان داوە، دووپاتدەکەینەوە.

زانیاری لەبارەی ناسنامەی هاوڕێمان بێریتان سیسەر بەم جۆرەیە:

ناسناو: بێریتان سیسەر

ناو و پاشناو: غوربەت کایماز

شوێنی لەدایکبوون: سێرت

دایک-باوک: قومری-هاشم

کات و شوێنی شەهیدبوون: ١١ی ئابی ٢٠٢٣ / گارزان

ژ.ن