کۆمیتەی بەڕێوەبەری پەکەکە وتی، " ئەم نەورۆز لە واتای راستەقینەوەی خۆیدا بوو بە نەورۆزی سەرفرازی. ڕێک بوو بە نەورۆزی ڕێبەرتی. گەلەکەمان و دۆستەکانمان ئاشکرایان کرد کە بۆ ئازادی جەستەی ڕێبەر ئاپۆ تاوەکو کۆتایی تێدەکۆشن."
لەبارەی ئاهەنگەکانی نەورۆز کە هەفتەی رابردوو بە شێوەیەکی بێوێنە ئەنجامدرا و ئیرادە، داواکاری ئازادی گەلی کورد دەرکەوت، کۆمیتەی بەڕێوەبەری پەکەکە راگەیەنراوێکی بڵاوکردەوە.
کۆمیتەی بەڕێوەبەری پەکەکە جارێکی دیکە نەورۆزیلە عەبدوڵلا ئۆجالان ڕێبەری گەلی کورد، گەلی وڵاتپاڕێز، هێزەکانی گەریلا و دۆستانی دیموکرات پیرۆز کرد کە بزووتنەوەکە و گەل نەورۆزێکی گەورە، بێوێنە و بە واتایەکی مێژووییان بەڕێوەبرد.
راگەیەنراوی کۆمیتەی بەڕێوەبەری پەکەکە بەم شێوەیەیە:
"لە حەوت ساڵەوە تا حەفتا ساڵ گەلەکەمان و هەڤاڵانمان، لە دەوری ڕێبەر عەبدوڵا ئۆجالان کۆبوونەوە، بەبێ ئەوەی بڵێن بەفر و بارانە، لە بۆتانەوە بۆ سەرحەد لە زاگرۆسەوە تا دێرسیم و ئامەد و ئیستانبول و ئەدەنە و ئیزمیر و لە قامیشلو تا ڕەقە و کەرکوک قەندیل و هەورامان و مەریوان و لە ئەوروپاوە تا ئاسیا و ئەفریقا و ئەمریکا لە چوار پارچەی کوردستان و لە چوار لای جیهان، دەیان ملیۆن کەس ڕژانە سەر شەقامەکان، گۆڕەپانەکانی نەورۆز پڕ بوون و داوای ئازادی جەستەیی ڕێبەر ئاپۆیان کرد و سیستمی ئەشکەنجە و گۆشەگیریی ئیمرالی پارچەکرا و ڕێبەر ئاپۆ گەیشتە ملیۆنان کەس.
سیستمی گۆشەگیری ناتوانێت زیاتر بەردەوام بێت
سڵاو لە هەموو ئەو کەسانە دەکەین کە ڕژانە نێو گۆڕەپانەکان و ئازادی جەستەیی ڕێبەر ئاپۆیان داوا کرد. هیوای سەرکەوتنیان بۆ دەخوازین لە تێکۆشانی ئازادی و دیموکراسیدا کە لە پێنجەمین ساڵی نەورۆزدا لەگەڵ ڕێبەر ئاپۆ و پەکەکەدا بەڕێوە دەچێت. زۆر ڕوونە کە هیچ شتێک لە خۆیەوە ڕووینەداوە. هەموو شتێک بە خەباتی فیدایی پارتەکەمان و هێزە گەریلا قارەمانەکانمان ڕوو دەدات. گەلەکەمان و هەڤاڵانمان بە پێشەنگایەتی ژنان و گەنجان هەڵوێست و ئیرادەی خۆیان بە بەشداری دەیان ملیۆن کەس نیشاندا کە گۆڕەپانەکان پڕ بوون و داوای ئازادی جەستەیی ڕێبەر ئاپۆیان کرد.
وەڵامی پێویست درایەوە بەو کەسانەی کە وتیان: "ئێمە گەریلاکانمان لەناوبردووە و پەکەکەمان تەسفیە کردووە." چیتر ناکرێت درێژە بە سیستمی ئەشکەنجە و گۆشەگیریی ئیمرالی بدرێت. سەرەڕای ئەوەش ئەو ئۆپورتونیستانەی کە دەیانوت "گەل تێکشاوە، ناتوانێت تێکۆشان بەڕێوەببات"، هەوڵیان دەدا ڕاستی خۆیان بشارنەوە و ئەوانەشی کە خراپ بوون وەڵامیان وەرگرتەوە. ئیتر ناکرێت وەک جاران لەبەردەم خەڵکدا دەربکەوین و بەپشتیوانی خیانەت پڕوپاگەندە بکەن. ئێمە ئەو پەیامەمان پێگەیشت کە لە نەورۆزدا لەلایەن گەلەکەمان و هاوڕێکانمانەوە دراوە. لە داهاتوودا ئەرکی پێشەنگایەتی خۆمان بە شێوەیەکی بەهێزتر جێبەجێ دەکەین و ئەرکی پەروەردەکردن و ڕێکخستن و بەرەوپێشەوەبردنی گەلەکەمان بە سەرکەوتوویی جێبەجێ دەکەین.
سەرفرازی ٥٠مین ساڵ لە ئێستاوە مسۆگەر بووە
لە راگەیەنراوەکەدا باسی ئەوەکراوە کە ، ئێمە بە شێوەیەکی بەهێز دەکەوینە ' ٥٠مین ساڵی ڕێبەرتی و پارتەکەمان' و باسی ئەوەکرا کە ' لەلایەکی دیکەوە سەرفرازی پەنجایەمین ساڵ لە ئێستاوە مسۆگەر بووە. جگە لە هەندێک خائین، بە دەیان ملیۆن کەس لە گەلەکەمان و دۆستەکانمان، شەقام و کۆڵانەکانیان پڕ کردەوە، رایانگەیاند کە لە ئازادی جەستەیی ڕێبەر ئاپۆ قەتیس بوونە."
کۆمیتەی بەڕێوەبەری پەکەکە وتی، " لە ئێستا بەدواوە پێویستە هەموو رۆژێک بکەینە نەورۆز، ' هەموو رۆژێک نەورۆز، هەموو رۆژێک بەرخۆدان' پێویستە تێبکۆشین." و ئەم بانگەوازەی کرد:
"هەر وەک چۆن لە ٨ی ئازارەوە گەیشتنە نەورۆز، نەورۆزیش دەگەیەنینە "ڕۆژی قارەمانێتی" و لەوێوە بەردەوام دەبن و دەگەینە ٤ی نیسان و ١ی ئایار و مانگی شەهیدان و پێنجایەمین ساڵی ڕێبەرتی و پارتی دەکەینە، ساڵی بەهێزترین خەبات و گەورەترین ساڵی سەرکەوتن. بێگومان کاریگەری نەورۆز بەمەوە سنووردار نابێت. جەژنی نەورۆزی ٢٠٢٢ لە کوردستان تێپەڕیوە و نەورۆز بووەتە ساڵی نوێی یەکڕیزی و بەرخۆدان و جەژنی ئازادی بۆ هەموو گەلان. بۆیە بە ساڵ سنووردار نابێت، لە دەیە و سەدەکانی پێش ئێمە بڵاو دەبێتەوە. کاریگەرییەکی وەها دروست دەکات کە یادی ئازادی و بەرخۆدانی گەلەکەمان لەگەڵ چەوساوەکانی دیکە یەکبگرن و برایەتی دەهێنێت. پێش هەموو شتێک پێویستە ژنان و گەنجان و کرێکاران و رەنجدەران، ئەم پەیامە بە پراکتیکی جێبەجێ بکەن.
لەسەر ئەم بنەمایە پیرۆزبایی 'رۆژی قاڕەمانێتی نەتەوەیی ' لە رێبەر ئاپۆ و هەموو هەڤاڵان و گەلەکەمان و دۆستانمان دەکەین پیرۆز دەکەین و بانگەوازیی بەردەوامی تەواوی هەفتەی قارەمانێتی و گیان و بەرخۆدانی نەورۆز دەکەین. لە یادی ٣٦ ساڵەی شەهیدبوونیدا فەرماندە نەمر و قارەمانی نەتەوەییمان مەحسوم کۆرکماز بە ڕێز و خۆشەویستی و سوپاسەوە یادی دەکەینەوە. جارێکی تر سوێند دەخۆین کە ئامانجەکەی جێبەجێ بکەین و یادی زیندوو ڕابگرین.
گەنجان دەبێت ببن بە عەگیدی سەردەم
وەک دەزانرێت، ڕۆژی قارەمانێتی مێژوویی ئێمە لە ٢١ی ئازارەوە و تاوەکو ڕۆژی شەهیدبوونی هەڤاڵ عەگید، قارەمانی نەتەوەییمان لە ٢٨ی ئازاردا وەک 'هەفتەی قارەمانی نەتەوەیی' بە یەک دەگەن. واتە ڕۆژی بەرخۆدانی نەورۆزمان و ڕۆژی سەرکەوتنمان لە هەفتەیەکدا کۆدەبنەوە. ئەم نەورۆزە مانای ڕاستەقینەی نەورۆزی سەرکەوتن بوو. لەشێوەی نەورۆزی ڕێبەرایەتیدا پیرۆزکرا. گەلەکەمان و هەڤاڵانمان نیشانیان دا کە تا کۆتایی بۆ ئازادیی جەستەیی ڕێبەر ئاپۆ تێدەکۆشن. هەروەها ژنان و گەنجان دەریانخست کە بۆ ئەو مەبەستە کار دەکەن. ئێستاش بە بەرخۆدانی مێژوویی پێشوازی لە "ڕۆژی قارەمانیی نەتەوەییمان" دەکەن و لەگەڵ داهاتوو یەکدەگرنەوە. خۆیان وەک عەگیدەکانی سەردەمی ئێستا دروست دەکەن و تێکۆشانی ئێمە بۆ ئازادی لەسەر هێڵی سەرکەوتن پەرە پێدەدەن.
هەروەها پەنجایەمین ساڵڕۆژی کۆمەڵکوژیی ٣٠ی ئازاری ١٩٧٢یە. لەو چوارچێوەیەدا بە ڕێز و سوپاسەوە یادی شەهیدانی کزلدەرە و ماهیر چایان ڕێبەری شۆڕشی تورکیا و هەڤاڵانی لە ساڵیادی شەهیدبوونیاندا دەکەینەوە. ئێمە پەنجا ساڵە لە یادی ئەواندا لە بەرخۆدانی پەکەکەدا ژیاوین و ئێستا لە چوارچێوەی بەرخۆدانی هەبەدەهەدا دا دەژین. لەسەر بنەمای سەرکەوتنی خەباتمان بۆ شۆڕشی یەکگرتوو ئامانجەکەمان بەدی دەهێنین.
هەفتەی قارەمانێتی نەتەوەیی دەبێت وەک نەورۆز بێت
١ی نیسانیش یادی ١٤ ساڵەی شەهیدبوونی ئەندامی کۆمیتەی ئاوەدانکردنەوەی پەکەکە نودا کارکەر، ئەندامی کۆمیتەی ناوەندیی فەرهاد دێرسیم و هەڤاڵ خەلیل داغ هێزی پڕوپاگەندەیە. لە کەسایەتی هەڤاڵ نودا و فەرهات و خەلیل کە شوێنکەوتوانی مەزڵوم دۆغانن هەموو شەهیدەکانمان بە ڕێز و خۆشەویستی و سوپاسەوە بەبیر دێنین و سوێند دەخۆین کە ئامانجیان بکەینەوە و یادیان بکەینەوە. داوا لە هەموو نیشتمانپەروەران و دۆستانی دیموکراسیمان دەکەین کە لەسەر هێڵی ڕێبەرایەتی و شەهیدان بە شێوەیەکی یەکلاکەرەوە و سەرکەوتووانە تێبکۆشن و ڕۆژی قارەمانیی نەتەوەییمان بکەنە نەورۆز."
ف.ق
