كۆمیتەی بەرێوەبەرایەتی پارتی كرێكارانی كوردستان"پەكەكە" بەبۆنەی ساڵرۆژی شۆڕشی رۆژئاوای كوردستانەوە راگەیەندراوێكی بۆ رای گشتی بڵاوكردەوە.

راگەیەندراوەكەی پەكەكە وەهایە:

"لە دەهەمین ساڵرۆژی شۆڕشی ئازادی نۆزدەی تەمموزدا، سڵاومان ئاراستەی شۆڕشی رۆژئاوای كوردستان دەكەین. شۆڕشی نۆزدەی تەمموز لەگەلانی باكور و رۆژهەڵاتی سوریا و هێزە ئازادیخوازەكان پیرۆز دەكەین و ئەم شۆڕشە مێژوویە كە بووەتە هیوا بۆ مرۆڤایەتی دەستیان پێ كردوە و بەدەیان ساڵە و بەهەزاران كەس شەهید و قۆربانیان بۆ داوە و بەردەوام دەكات. لەكەسایەتی هاورێبازمان شیلان كۆبانێ و خەبات دێركدا هەموو شەهیدانی قارەمان بەرێز و حۆرمەتەوە بەبیردێنێنەوە. لەو باوەڕەداین كە شۆڕش لەدەیەی دووهەمی خۆیدا بەهێزتر و بەرفراوانتر دەبێت.

شۆڕش مەزنتر و زیاتر پێشدەكەوێت

بۆ هەر شۆڕشێك لەسەرەتاوە؛ هەفتەی سەرەتا، مانگی سەرەتا، ساڵی سەرەتا و دە  ساڵی سەرەتای زۆر گرنگە؛ چونكە پڕ زۆر و زەحمەتە. بۆ شۆڕشی ئازادی رۆژئاوای كوردستانیش قۆناخی مێژوویی وەها دەرباز بوون. بەڵام لەسەرەتاوە كورد، گەلانی باكور و رۆژهەڵاتی سوریا هەر لەسەرەتاوە باوەڕیان بەیەكدی هێنا، دەستی یەكتریان گرت، بەوشێوەیە زۆری و زەحمەتیانیان تێپەڕاند و شۆڕشیان گەیاندە ئەم ئاستەی ئێستاكە. ئێدی كاتی ئاماتۆربوونی شۆڕشیش بەكۆتا هات و پرۆژەی پرۆڤیشیوناڵی"زانستی" و ئاكادیمی دەستی پێ كردوە. ئێمە لەو باوەڕەدان لەقۆناخی داهاتوودا شۆڕش مەزنتر و بەهێزتر و پێشكەوتووتر دەبێت.

پارادیگمای ئابوری بەشێوەیەكی گۆنجاوتر و بەكاریگەرتر جێبەجێ بكرێت

ئاشكرایە كە شۆڕشی ئازادی رۆژئاوا گۆڕەپانی سەرەكەیە كە پرۆژەی مۆدیرنیتەی دیموكراتیك رێبەر عەبدوڵڵا ئۆجالان لەو چوارچێوە و بۆنیادەدا جێبەجێ كراوە. خۆی لەخۆیدا لەسەر كاری پەروەردە و بەرێكخستنكردنی رێبەر ئاپۆ ئامادەكرابوو. رێبەر ئاپۆ لەقۆناخی ساڵانی 1979 ـ 1998دا بیست ساڵ خۆی لەو گۆڕەپانەدا كاروخەباتی بەرێوە برد. بنەمای شۆڕش بەو شێوەیە بۆنیاد نراوە و سەركەوتووە. لەو چوارچێوەیەدا هەندێ كەم و كوڕی هەر روو دەدەن، بەڵام ئەوەی ئەساس و بنەمایە لەجێبەجێكردنی پارادیگمای كۆمەڵگەی دیموكراتیك، ئیكۆلۆژی و ئازادیخوازی ژن پێداگری كردوە. بەوەرگرتنی ئەزموونی دەوڵەمەند لەو دە ساڵەی دەربازبوودا لەقۆناخی داهاتوودا پارادیگمای ئاپۆیی بەشێوەیەكی راستتر و بەكاریگەرتر جێبەجێ بكرێت.

شۆڕشی ئازادی رۆژئاوای كوردستان لەماوەی دە ساڵی دەربازبوودا لەلایەنی جێبەجێكردنەوە هێڵی نەتەوەی دیموكراتیكی بەسەركەوتوویی بەجێگەیاندوە. لەو هەرێمەی كە بەهۆی شەڕی نەتەوەپەرەستی وەرچەرخاوەتە جۆگەلەی خوێن، گەلانی باكور و رۆژهەڵاتی سوریا لەسەرەتاوە گەلی كورد و عەرەب، گەلانی ئاشۆری، سۆریانی، ئەرمەن، تۆركمان، چەركەز لەسەر هێڵی نەتەوەی دیموكراتیك بەدەور یەكدیدا كۆبوونەوە، ژیانێكی ئازاد و رێوەبەریەكی دیموكراتیكیان بەیەكەوە بۆنیاد نا. نیشانی هەموو گەلانی جیهانیاندا كە ژیانی ئازاد، پێكەوەبوون بەبێ شەڕ و بەبێ خوێنڕشتن پێكدێت. ئەمەش لەنێو هەموو هەلومەرجی هەرە زەحمەت، هێرش، داگیركاری و هەڕەشە و پرۆواكاسیۆندا بۆنیاد نرا. لەبەر ئەوەش ئێمە جارێكی تر بۆنیادنانی وەها شۆڕشێك لە گەلانی باكور و رۆژهەڵاتی سوریا پیرۆز و سڵاو دەكەین.

ژنان لەئاستی پێشەنگایەتیدان

ئاشكرایە كە شۆڕشی ئازادی رۆژئاوا لەهەمانكاتدا شۆڕشی ئازادی ژنە. لەو گۆڕەپانەدا لەنێو شۆڕشدا، شۆڕش بۆنیاد نراوە، گۆڕانكاریەكی هەرە مەزنە كە دەتوانرێت لەماوەی سەد ساڵدا ئەنجام بدرێت لەناو دە ساڵدا پێكهات و بۆنیاد نرا. ئەو ژنەی كە پێشتر لەنێو ماڵ و بنەماڵەكەیدا نەیدەتوانی بەشداری هیچ كایەكی كۆمەڵگە ببێت لەسەر بنەمای پەروەردە و كارێكی مەزن و بەرێكخستن بوو بەشێوەیەكی هاوسەنگ و لەئاستی پێشەنگایەتیدا بەشداری لەهەر بەشێكی ژیانی سیاسی و كۆمەڵایەتیدا بوو. ئەو ژنەی كە لەسەر بنەمای هوشیاری و بەرێكخستن بوون خۆی ئازاد كردوە، كۆمەڵگەی ئازاد و بەرێوەبەرایەتی دیموكراتیكیش ئافراند و پاراستنیشی دەكات. بێگۆمان بەئەندازەی ئەو پێشكەوتنەی كە بەئەندازەی زۆرێك لەشۆڕشە گەورەكان پێكهاتووە لەم گۆڕەپانەدا هەندێ كاری ماوە كە دەبێت ئەنجام بدرێن. هێشتا هەندێ هەنگاو ماوە كە دەبێ، هەڵبنێردرێت. ئێمە لەو باوەڕەداین كە لەدە ساڵەی دووهەمی شۆڕشدا بەپلانسازی و هەوڵدانێكی بەرێكخستبووتر ئەو پێشەنگایەتیەش پێكبێت.

لەپشت هێرشی چەتەكانەوە، دەسەڵاتداریەتی ئاكەپە ـ مەهەپە شاراوەیە

هەر كەس دەزانێت كە شۆڕشی رۆژئاوا هەرچەندە بەبێ خۆێنڕشتن لەساڵانی سەرەتاوە دەستی پێكرد و پاشان لەزۆر لاوە لەلایەن چەتەكانەوە هێرشی كرایە سەر. لەپێش هەموویانەوە، داعش، سوپای بەناو ئازاد، بەرەی نوسرە باڵی سوریا و ئەلقاعیدە و زۆرێك لەگروپە چەتەكان هێرشی شۆڕشیان كرد و ویستیان بیخنكێنن.  لەسەرەوەی ئەوانەشەوە، رێوەبەری ئاكەپە ـ مەهەپە لەتوركیاوە بەشێوەیەكی ئاشكرا و بەكاریگەر لەپشت ئەو چەتانەوە جێگای خۆیانیان گرت. ئەوە ئەوەندە ئاشكرایە كە لە مانگی كانوونی 2017ەوە پاش ئەوەی كە داعش لەرەقا لەناوبرا، لەمانگی شوباتی 2018 دەوڵەتی تورك بەهاوپەیمانی ئاكەپە ـ مەهەپە هێرشی عەفرینیان كرد و عەفرینیان داگیركرد. لەبەر ئەوەش نۆ ساڵی شۆڕش لەدژی هێرشی ئاكەپە ـ مەهەپە و چەتە فاشیستەكانەوە شەڕی پاراستنی رەوا بەرێوە چوو.

كاراكتری ئینتەرناسیونالیستی شۆڕشی رۆژئاوا بەهێز بوو

گەلانی باكور و رۆژهەڵاتی سوریا و هێزە ئازادیخوازەكانی یەپەگە و یەپەژە لەناو ئەو دە ساڵەی شۆڕشدا بۆ پاراستنی وڵات و شۆڕش زیاتر لەدە هەزار شەهیدیان داوە، بەقارەمانیەتی بەرخۆدانیان كرد. بۆ پاراستن و پێشكەوتنی شۆڕشی ئازادی كە هیوای مرۆڤایەتیە، ئەو بەرخۆدانەی بەرێوە چوو، سنورەكانی باكور و رۆژهەڵاتی سوریاشی دەرباز كرد، لەناو دنیادا بڵاو بوو و وەرچەرخا بەرخۆدانی مرۆڤایەتی ئازاد. هەر لەئاسیاوە بگرە تا ئەوروپا و ئەمریكا لەهەرچوار لای جیهانەوە بەسەدان گەنج بەشداری بەرخۆدان لەباكور و رۆژهەڵاتی سوریا بوون، بەقارەمانیەتی شەڕیان كرد و شەهید بوون. ئەمەش كاراكتری ئینتەرناسیۆنالیستی شۆڕشی ئازادی رۆژئاوای بەهێزتر  و زیاتر بەرەو پێشەوەی برد. بەم بۆنەوە ئەو شەهیدانەی ئینتەرناسیۆنالیست كە لەپاراستنی شۆڕشی رۆژئاوادا جێگایان گرت و شەهید بوون بەرێز و حۆڕمەتەوە بەبیر دێنینەوە و دەڵێن، لەتێكۆشانی ئازادی و دیموكراسی جیهاندا ئێمە خاوەنداری لەو شەهیدانەش بكەین.

هەرێمە داگیركراوەكان ئازاد بكرێنەوە

لێرەدا دەبێت ئەو راستیانە دەستنیشان بكەین. گەلانی باكور و رۆژهەڵاتی سوریا و هێزە ئازادیخوازەكان، لەپێشدا داعش و هەموو هێرشی چەتەكانیان لەرۆژهەڵاتی فۆراتیان تێكۆپێكدا و پۆچەڵكردەوە و مرۆڤایەتیان لەهێرش و بەڵای داعشیان رزگار كرد. لەرەوشێكی وەهادا كە زۆرێك لەهێز و ئەرتەشانە نەیاندەتوانی خۆیان لەبەرامبەر بە داعش رابگرن و هەڵهاتن، هێزەكانی ئازادی لەرۆژئاوا لەكۆبانێیەوە تا رەقا چەتەكانی داعشیان لەناو برد و كۆتایان بەدەسەڵاتداریان هێنا، لەبەر ئەوەش خاوەن گرنگیەكی مێژووییە. ئەم پێگە و هەڵوێستە وەهای كرد كە شۆڕشی ئازادی رۆژئاوا شۆڕشێكی سەركەوتووە. لەو قەناعەت و باوەڕەدان كە هەمان هەڵوێست لەدژی هێرشی داگیركەری ئاكەپە ـ مەهەپە نیشان بدرێت و هەرێمە داگیركراوەكان لەدەست داگیركەران رزگار بكرێن.

بێگۆمان هەوڵدانەكانی شۆڕش بۆ بۆنیادنانی ژیانی كۆمیناڵ، پێشخستنی خۆبەرێوەبەری دیموكراتیك، بۆنیادنانی سیستەمی كۆنفدرالیزمی دیموكراتیك و پێشخستنی ئەو سیستەمە، هەوڵدانێك لەئاستی مێژوویی و گرنگی پێویستە و بۆ هەر كەسیش نموونەی و ئەزموونێكە. هاوكات زۆر گرنگە كە حەوت ساڵانەوە تا حەفتا ساڵان و هەموو كۆمەڵگە لەپێش هەموویانەوە ژن هەر كەس بۆ پاراستنی شۆڕش و وڵات روو لەپەروەردە و خۆپاراستن بكەن. ئەمە جێگای جۆش و هەیەجان و مۆڕاڵە. ئێمە لەو باوەڕەدان كە داهاتوودا ئەمانە هەموو سەربكەون.

لەهەر لاوە دەبێت ئامادەكاری بكرێت

بێگۆمان ئەرك كۆتایی نەهاتووە و شۆڕشیش بەكۆتا نەهاتووە. هەر شت نوێ دەستی پێكردوە. هەروەها ئاستەنگی و زەحمەتی نوێ رەنگە بێنە ئاراوە. لەپێش هەموویانەوە دەوڵەتی تورك هێرش و هەڕەشەی داگیركاری و هەڕەشەی هێزی جیاوازیش لەئارادایە. ئەمانە هەمە لایەنن و لەدژی ئەمانەش پێویستی بەئامادەكاری لەهەموو لایەكەوە هەیە. ئێمە لەو باوەڕەدان گەلانی باكور و رۆژهەڵاتی سوریا و هێزە ئازادیخوازەكان ئاگاداری هەموو ئەو شتانە هەن و بەگوێرەی ئەوەش خۆیان پەروەردە و ئامادە دەكەن. لەگەل شكست هێنان بەهەر هێرش و هەڕەشەیەك ئەركی سەرلەنوێ بۆنیادنانەوەش دەبێت بەسەركەوتوویی بەرێوە ببەن. لەسەر ئەم بنەمایە شۆڕشی ئازادی رۆژئاوا هەمیشە بۆ مرۆڤایەتی بندەست و زۆڵملێكراو دەبێتە هیوایەك.

لەم چوارچێوەیەدا دەهەمین ساڵرۆژی شۆڕشی رۆژئاوا جارێكی تر سڵاو و پیرۆز دەكەین. هیوای سەركەوتن لە هەوڵدانی گەلانی باكور و رۆژهەڵاتی سوریادا بۆ بەرفراوانكردن و بەهێزكردنی شۆڕش دەخوازین و رایدەگەیەنین كە گەلەكەمان و مرۆڤایەتیش لەپشتیانن و هەموو كاتێك و بەهەموو شێوەیەك پشتگیریان دەكەن.

ژ.ت