پەکەکە: ئێمە هەموو ڕۆژێک دەکەین بە نەورۆز!
کۆمیتەی ناوەندیی پەکەکە ڕایگەیاند، نەورۆزی ٢٠٢٢ سەرەتای پێنجاهەمین ساڵی بناغەى دامەزراندنی پەکەکەیە و راشیگەیاند: "داوا لە گەل و دۆستانمان دەکەین، کە هەموو ڕۆژێکی ساڵی نوێ بکەن بە نەورۆز".
کۆمیتەی ناوەندیی پەکەکە بەبۆنەی جەژنی نەورۆزەوە ڕاگەیەندراوێکی بڵاوکردەوە.
راگەیاندراوەکەى پەکەکە:
"ئێمە، بزووتنەوەی ئازادیی کۆمەڵگەی کوردستان و گەلی کورد لە ڕۆژێکی نوێداین. نەورۆز جەژنی یەکگرتن و بەرخۆدان و ئازادیی ئێمەیە. یەکێکە لە کۆنترین جەژنەکانی ئازادی لە مێژووی مرۆڤایەتیدا. بە هەڵمەتی ڕێبەرایەتی و پەکەکە نەورۆز زیاتر جوان و مانادارتر بوو. چۆن سروشت بە هاتنی بەهار گەشە دەکات و دەبوژێتەوە، ئێمەش لە هەموو نەورۆزێکدا خۆمان نوێ دەکەینەوە، دەبینە خاوەنی ڕۆح و هۆشمەندیی یەکێتی، بەرخودان و و ئازادی.
وەک بزووتنەوە، گەل و دۆستانمان، ئێمە بەم هەست و قووڵبوونەوە فیکرییەوە پێشوازی لە نەورۆزی ٢٠٢٢ دەکەین. لەسەر ئەو بنەمایە و لەو چوارچێوەیەدا پێشوازی لە ساڵی نوێی نەورۆز دەکەن. نەورۆز بە جۆش خرۆش و پەرۆشییەوە لە چوار پارچەی کوردستان و چوار لای جیهانەوە پیرۆز دەکرێت. لە هەرکوێ نیشتمانپەروەر و وڵاتپارێزێکی کورد هەبێت بێگومان نەورۆز لەوێ پیرۆز دەکرێت. بە پەرۆشی و پێداگرییەکی زۆرەوە ساڵی نوێی نەورۆز دەستپێدەکەین. ئێمە لەو بڕوایەداین، کە ئەم دۆخە بە درێژایی ساڵ بەردەوام دەبێت و هەموو ڕۆژێک وەک نەورۆز تێکۆشانی دیموکراسی و ئازادی بەرەو پێش دەبرێت و گەشەی پێدەدرێت.
بانگەوازمان ئەوەیە، هەموو ڕۆژێکی ساڵ بکرێت بە نەورۆز
لەسەر ئەم بنەمایە و لەو چوارچێوەیەدا سەرەتا لە ڕێبەر ئاپۆ، هەموو هاوڕێیانمان، گەلە وڵاتپارێز و دۆستانی شۆڕشگێڕ - دیموکراتیکمان نەورۆز پیرۆز دەکەین و هیوای سەرکەوتن لە ساڵی نوێی نەورۆزدا دەخوازین. ئێمە سڵاو لە تێکۆشانی گەورەی ئازادی بە پێشەنگایەتی بەرخۆدانی مێژوویی ئیمراڵی دەکەین، لە چیا، شار و زیندانەکان لەسەر هێڵی قارەمانێتی بەردەوامە و ئامانجی مسۆگەرکردنی ئازادیی جەستەیی ڕێبەر ئاپۆیە. لە کەسایەتیی شەهیدە مەزنەکانمان بۆ نەورۆز مەزڵوم دۆغان و زەکییە ئالکان دا یادی هەموو شەهیدە قارەمانەکانمان بە ڕێز و خۆشەویستی و پێزانینەوە دەکەینەوە. هەفتەی قارەمانیی نەتەوەیی گەلەکەمان پیرۆز دەکەین و لە کەسایەتیی شەهیدە قارەمانە نەتەوەیییەکانماندا مەزڵوم دۆغان و مەعسووم کۆرکماز، یادی هەموو شەهیدە قارەمانەکانمان دەکەینەوە. داوا لە گەل و دۆستانمان دەکەین، کە هەموو ڕۆژێکی ساڵی نوێ بکەن بە نەورۆز!
سڵاو لە سەرەتای ٥٠هەمین ساڵی هەڵمەتی ڕێبەرایەتیی ئاپۆیی و ژیانەوەی بزووتنەوەی ئازادی دەکەین
وەک دەزانرێت نەورۆزی ٢٠٢٢ پەنجاهەمین ساڵی هەڵمەتی ڕێبەرایەتی و دانانی بەردی بناغەى دامەزراندنی پەکەکەیە. ساڵی نوێی نەورۆزی ٥٠هەمین ساڵی رێپێوانیی ڕێبەرایەتیی ئاپۆیی و پەکەکەیە. هەڵمەتی ڕێبەرایەتیی ئاپۆیی لە نەورۆزی ١٩٧٣ دەستیپێکرد. گروپی ئاپۆیی، کە بناغەى پەکەکەیان دامەزراند، لە نەورۆزی ساڵی ١٩٧٣ لە ناوچەی بەنداوی چوبوک لە ئەنقەرە بە کۆبوونەوەیەک دەستیپێکرد. بەوەش لە دژی گوشار و تاریکیی کودەتا فاشیستی - سەربازییەکەی ١٢ی ئازاری ١٩٧١ راستیی رووناکی و گەش و بەرخودانی بزووتنەوەی ئازادیی ئاپۆیی دامەزرا. ئەو ڕێپێوانە راستەقینە ئاپۆییە ئێستا دەچێتە ناو ٥٠هەمین ساڵی خۆییەوە. ئاشکرایە ڕاستیی ڕێبەر ئاپۆ ڕێبەرایەتییەکی نەورۆزە. پەکەکەش وەک حیزبێکی نەورۆز دامەزرا و پەرەی پێدرا و گەشەی کرد و بەرەوپێش رۆیشت.
گەلی کورد بە پێشەنگایەتیی ڕێبەر ئاپۆ و پەکەکە، بە تێکۆشانی ئازادیی ٤٩ ساڵی ڕابردوو، وەرچەرخاوەتە نەورۆزێکی زۆر. لە مێژووی کوردستاندا بۆ یەکەمجار ڕێبەرایەتیی ئازادی و بزووتنەوەى حیزب بەبێ راوەستان و پسانەوە ٥٠ ساڵ رێپێوان و پێشکەوتنی مێژوویی ئافراند.
له‌سه‌ر ئه‌و بنه‌مایه ئێمه چووینه ناو ساڵی ٥٠ هه‌مینی قۆناغی رێبه‌رایه‌تی ئاپۆیی و بزوتنه‌وه‌ی ئازادی. ئێمه پیرۆزبایی له گه‌لی كورد، ژنان و گه‌نجان ده‌كه‌ین، له‌به‌ر ئه‌وه‌ی له‌و هه‌لومه‌رجه دژواره‌ی ٥٠ ساڵه‌دا به بێوچان تێكۆشان و رێبه‌رایه‌تی و راستیه‌كی به‌و جۆره پارتیان ئافراند. شه‌هیدانی قاره‌مانی ئه‌و رێپێوانه‌ی ئازادی پیرۆز له كه‌سایه‌تی هاوڕێ حه‌قی قه‌رار، مه‌زڵوم دۆغان، خه‌یری دورموش، كه‌مال پیر، سه‌كینه جانسز، محه‌مه‌د قه‌ره‌سونگور، عه‌گید، بێریتان و زیلان به رێز، خۆشه‌ویستی و پێزانینه‌وه یادده‌كه‌ینه‌وه. په‌یمان دوباره ده‌كه‌ینه‌وه كه ئامانجه‌كانیان سه‌ربخه‌ین و خاوه‌نداری له بیره‌وه‌ری ئه‌وان ده‌كه‌ین.
رێبه‌ر ئاپۆ له‌سه‌ر هێڵی ژیانی ئازاد سه‌رله‌نوێ ئێمه‌ی ئافرانده‌وه
بێگومان له‌و رێپێوانی پیرۆزی ئازادیدا كه نیو سه‌ده‌ی بێ دابڕان به‌رده‌وامه، زه‌حمه‌ت و ره‌نجی هه‌ره گه‌وره رێبه‌ر ئاپۆ كێشاویه‌تی. رێبه‌ر ئاپۆ هه‌م تێكۆشانی گه‌وره‌ی ده‌ستپێكردن و هه‌میش له هه‌موو كات قورسترین باری گرته ئه‌ستۆ و ئه‌ركه‌كانی خۆی سه‌رخست. وه‌ك جه‌نگاوه‌ران، پارتی و گه‌ل ئێمه‌ی له ناو سیستمی پاكتاوكه‌ر رزگار كرد و له سه‌ر هێڵی ژیانی ئازاد سه‌رله‌نوێ ئێمه‌ی ئافرانده‌وه. ئه‌و رێگه‌ی پیرۆزی ئازادی هه‌م به‌هێزی كرد و هه‌میش روناكی كرده‌وه و رێگه‌ی بۆ سه‌ركه‌وتن كرده‌وه. هه‌ر بۆیه ئێمه چه‌نده به رێز، خۆشه‌ویستی و پێزانینه‌وه مامه‌ڵه له‌گه‌ڵ رێبه‌ر ئاپۆدا بكه‌ن، چه‌نده سڵاوی بكه‌ین هێشتا كه‌مه. ئه‌وه‌ی راست و پێویسته ئه‌وه‌یه كه ئێمه راستی رێبه‌رایه‌تی له قوڵاییه‌وه تێبگه‌ین و به شێوه‌یه‌كی سه‌ركه‌وتووانه جێبه‌جێی بكه‌ین. ئێمه ئه‌وه ده‌زانین و ده‌ڵێین كه له هه‌ر ساتێكی ساڵیادی ٥٠ هه‌مینی تێكۆشاندا ئێمه به‌پێی ئه‌وه تێكۆشان ده‌كه‌ین.
له‌سایه‌ی راستی شه‌هیدان گه‌یشتووینه‌ته ئه‌م سه‌رده‌مه
له‌و رێپێوانی پیرۆزی ئازادیه‌ی نیو سه‌ده‌دا، شه‌هیدانی قاره‌مانمان گه‌وره‌ترین پشتگیرییان له راستی رێبه‌رایه‌تی كرد. راستی شه‌هیدان وایكرد كه وه‌رسوڕێته‌وه بۆ تێكۆشانێكی بێ وچان و سه‌ركه‌وتنیان مۆسگه‌ر كرد. ئه‌وه‌ی ئێمه‌ی له‌گه‌ڵ رێبه‌رایه‌تی په‌روه‌رده‌كرد، به رێكخستنی كرد، به‌یه‌كی گه‌یاند و به‌ڕێوه‌برد، شه‌هیمانی قاره‌مانمان بوون. راستی شه‌هیدان هێزی به‌رخودانمان و داواكارییه‌كانی ئێمه‌ی بۆ سه‌ركه‌وتنی ئافراند. له‌سایه‌ی ئه‌وانه‌وه نه‌بوایه ئێمه نه‌مانده‌توانی هیچ شتێك بكه‌ین، نه‌مانده‌توانی هه‌نگاوێكیش بنێین. وه‌ك گه‌ل و بزوتنه‌وه ئێمه به راستی شه‌هیدان گه‌یشتنینه ئاستی ئه‌م سه‌رده‌مه. هه‌ر بۆیه‌ش ئه‌وه‌ی بۆ ئێمه بنه‌مایه كه له‌گه‌ڵ رێبه‌رایه‌تی له راستی شه‌هیدان تێبگه‌ین و به شێوه‌یه‌كی سه‌ركه‌وتوو جێبه‌جێی بكه‌ین. ئێمه شه‌هیدانی قاره‌مانمان هه‌موو كات به رێز و منه‌ته‌وه به بیرده‌هێنینه‌وه و ئێمه هه‌موو كات یادیان ده‌كه‌ینه‌وه. رێپێوانی بڕیاردارانه و سه‌ركه‌وتووانه‌ی ساڵی ٥٠ هه‌مین له‌سه‌ر ئه‌و بناغه‌یه ده‌بێت.
سڵاو له هه‌موو ئه‌وانه ده‌كه‌ین كه رنج و زه‌حمه‌تیان كێشاوه
بێگومان هێزه‌كانی گه‌رلای قاره‌مان، بوونه هێزی هێزی به‌رخۆدێری پێشه‌نگی ئێمه، كه له‌سه‌ر هێڵی گیانبازی شه‌ڕ و ژیان ده‌كه‌ن. له‌سه‌ر بنه‌مای ئافراندنی گیانبازی و ئازایه‌تی گه‌ریلا ژنان و گه‌نجانی كورد، هه‌موو گه‌لی كوردی وڵاتپارێز كه‌وتنه‌ڕێ و رێپێوانی قاره‌مانانه‌ی ٥٠ ساڵه‌ی ئافراند. له‌سه‌ره‌تادا گه‌لانی تورك، فه‌له‌ستینی-عه‌ره‌ب، ئه‌رمه‌ن و ئاشور-سوریان هه‌موو گه‌لانی بنده‌ست، لایه‌نه بنده‌سته‌كان و مرۆڤایه‌تی دیموكراتیك هاوكاری و پشتیوانی به نرخیان له‌و رێپێوانه‌ی پیرۆزه‌ی ئازادی كرد. به‌و بۆنه‌یه‌وه هه‌ر كه‌س كه له‌و رێپێوانی پیرۆزی ئازادیه‌دا ره‌نجیان كێشاوه به رێز و پێزانیه‌وه سڵاوی لێده‌كه‌ین".
ژ. ت/ هـ . ب
