گەریلای هەپەگە فەداکار شەنگالی کە لە ساڵی ٢٠١٩دا لە ئەنجامی هێرشەکانی دەوڵەتی تورکی داگیرکەردا شەهید بوو، بە مەڕاسیمێکی جەماوەری یادکرایەوە. لە مەڕاسیمەکەدا بەڵێنی درێژەدان بە ڕێگەی شەهیدان دووپات کرایەوە.
مەڕاسیمی یادکردنەوەکە بە خولەکێک ڕێزگرتن بۆ ڕۆحی هەموو شەهیدانی کوردستان دەستی پێکرد.
دایکان کە بەشداری مەڕاسیمەکە بوون، مۆمیان داگیرساند و دروشمی "شەهید نامرن"یان بەرزکردەوە.
بە ناوی فەرمانداری یەبەشەوە خەمگین شەنگالی قسەی کرد و ئاماژەی بەوەدا کە ئەمڕۆ لە تشرین بە هەزاران فەداکاری کوردستان بەرخۆدان دەکەن و بە هەزاران شەنگالیش بە ڕێگەی ئەواندا دەرۆن.
خەمگین شەنگالی باسی کەسێتی و تێکۆشەری شەهید فەدکاری کرد و گوتی: "هەڤاڵ فەدکار لە بنەماڵەیەکی وڵاتپارێز هاتە دونیاوە. هەڤاڵ فەداکار لە ساڵی ٢٠١٦دا بەشداری ڕیزەکانی یەبەشە بوو. دوای شەهیدبوونی مام زەکی ئیدی تورەی و ڕق لە دڵیدا زیاتر بوو، لەبەر ئەوەش چووە ڕیزەکانی هەپەگەوە".
خەمگین شەنگالی لە کۆتایی قسەکانییدا سەرەخۆشی لە بنەماڵەکەی کرد و گوتی: "بە ناوی فەرمانداری یەبەشەوە جارێکی دیکە سەرەخۆشی لە تەواوی بنەماڵەی شەهیدان دەکەین. هەوڵدەدەین شایەنی شەهیدان بین. با سەری گەل و ڕێبەر ئاپۆ ساغ بێت".
لە مەڕاسیمەکەدا برای شەهید فەداکار تەحسین شەرەف گوتی: "بە شەهید بوونی براکەم شانازی دەکەم. لە تەواوی بنەماڵەی شەهیدان پیرۆزی دەکەم و دەڵێم سەری گەلەکەمان، گەریلا و ڕێبەر ئاپۆ ساغبێت".
پاشان ناسنامەی شەهید خوێندرایەوە و ڕادەستی بنەماڵەکەی کرا.
بە ناوی بریاردەری ناوەندی هەپەگە نامە نێردرا بۆ بنەماڵەی شەهید و لە نامەکەدا سەرەخۆشی لە بنەماڵەی شەهید کرا و بەڵێنی شوێنکەوتنی فەداکار شەنگالی درا.
لە کۆتایی مەڕاسیمەکەدا لەسەر ژیان و تێکۆشانی شەهید سینەفزیۆنێک پیشاندرا. مەڕاسیمەکە بە دروشمی "شەهید نامرێت" کۆتایی هات.
