ئەمڕۆ دژى دواکەوتن و پێنەدانى مووچەى دوو مانگی ڕابردوو، فەرمانبەرانى بەڕێوەبەرایەتى کۆمپانیاکان، دادگاى سلێمانى و نەخۆشخانەى شار بایکۆتی دەوامیان ڕاگەیاند.

بەشێک لەو فەرمانبەرانە ڕایانگەیاندووە، لە ڕووی ئابوورییەوە لە دۆخێکى خراپدان و ناتوانن بەبێ مووچە دەوام بکەن و تا مووچەیان پێ نەدرێت، بەردەوام دەبن لە بایکۆتکردنى دەوام.

ئەوەش لەکاتێکدایە، هێشتا فەرمانبەران مووچەی مانگی تەمووز و ئاب-یان وەرنەگرتووە و حکومەتى هەرێمى باشووری کوردستانیش هیچ وادەیەکی بۆ دابەشکردنى مووچە دیاری نەکراوە.

ژ.ن