ئەنجومەنی زیندانیانی سیاسیی رۆژهەڵآتی کوردستان لە راگەیەندراوێکدا ئاماژەی بەوەکردووە کە لە رۆژانی رباردوودا دوو مامۆستای ئایینی بە ناوەکانی لوقمان ئەمینی و ئیبراهیم کەریمی کە خەڵکی شاری سنەی رۆژهەڵاتی کوردستانن، بە تۆمەتی پڕۆپاگەندە لە دژی حکومەت و هاندانی خەڵک بۆ خۆپیشاندان، لەلایەن دادگای هەمەدانەوە سزای زیندانیان بەسەردا سەپێندراوە.

بە گوێرەی راگەیەندراوەکە دادگا سزای ١١ ساڵ زیندان و دوو ساڵ دوورخستنەوە لە کاری مەلایەتی بەسەر مامۆستا لوقمان ئەمینیدا سەپاندووە.

هەروەها سزای ١٢ ساڵ زیندان و دوو ساڵ دوورخستنەوە لە کاری مەلایەتیشی بەسەر مامۆستا ئیبراهیم کەریمیدا سەپاندووە.

هـ . ب