کۆنگرەی کۆمەڵگای دیموکراتیک (کەجەدە)لە ساڵی ٢٠١٣دا لە مێردین کۆبوونەوەیەکی سازکردبوو لە سەر دانپێدانانی "شایەتی نادیار"، لە بارەی سەرۆکی شارەوانی شەمڕەخی مێردین حەسیب ئاکتاش کە لە نێووان ساڵانی ٢٠٠٩-٢٠١٤ سەرۆکی شارەوانی بوو، سەرۆکی ئەو کاتەی شارەوانی ستیلیل لوقمان فنک، سەرۆکی شارەوانی خەلیلیە ئەحمەد ئینجی و سەرۆکی پارتی ئاشتی و دیموکراسی (بەدەپە) لە کەربۆران لەو کاتە محەمەد کلیچ بە بانگەشەی "ئەندامبوون لە رێکخراو" دۆسیە کرابووەوە.

دانیشتنی بڕیاردان لە دۆسیەکە ئەمڕۆ لە دووەمین دادگای سزا قورسەکانی مێردین بەڕێوەچوو. ئاکتاش، فندک، ئینجی و کلیچ کە بەشێوەی دەستبەسەرنەکراو دادگایی کران بەشدارییان لە دانیشتنەکەدا نەکرد، تەنیا پارێزەرەکانیان ئامادە بوون.

لە دانیشتنەکەدا سەرەتا گوێ لە دانپێدانانی شایەتەکان کرا و دواتریش لێپرسینەوە دەستیپێکرد. دوای بەرگریی پارێزەران، داواکاری گشتی داوای کرد کە هەر چوار کەسەکە بە بانگەشەی "ئەندامبوون لە رێکخراو" سزا بدرێن و خوێندنەوەی خۆی رادەستی دادگا کرد.

دادگا بە بانگەشەی "ئەندامێتی لە رێکخراو" سزای ٦ ساڵ و ٣ مانگ زیندانی بەسەر هەر چوار سیاسەتمەدارەکەدا سەپاند.

هـ . ب