بەگوێرەی ڕاگەیاندراوی تۆڕی مافەکانی مرۆڤی کوردستان (KHRN)، دادگای شۆڕشی ئێران بە پاساوی وەک "پرۆپاگەندە دژی دەوڵەت" و "سوکایەتی بە بەرپرسانی دەوڵەت"، ٢ ساڵ سزای زیندانی بەسەر ژینگەپارێزی کورد ئارمان شادی وەند سەپاندووە.

ڕادیۆی فەرداش ڕایگەیاند دادگای شۆڕش بە سەرۆکایەتی دادوەر دەروێش گوفتار سزای لەسێدارەدانی بەسەر گەنجێکی کورد بە ناوی مەنوچەهر فەلاح سەپاندووە کە بەهۆی بەشداری لە شۆڕشی "ژن ژیان ئازادی" زیندانی کراوە.

ڕاگەیاندرا کە فەلاح لە زیندانی ڕەشید بەدیلگیراوە و بەگوێرەی مادەی ٦٨٧ ی یاسای سزادانی ئێران بە تۆمەتی "شۆڕش و پێکدادانی چەکداری" سزای لەسێدارەدانی بەسەردا سەپێنراوە.

فەلاح لە تەمموزی ٢٠٢٣ لە فڕۆکەخانەی ڕەشید دەستبەسەرکرا و لە مانگی کانوونی یەکەم بە تۆمەتی وەک "پرۆپاگەندە دژی دەوڵەت" و "سوکایەتی بە بەرپرسانی دەوڵەت"، ٢٢ مانگ سزای زیندانی بەسەردا سەپێنرابوو.

ڕێکخراوەکانی مافی مرۆڤ دووپاتی دەکەنەوە ئەم بڕیارە بەشێکە لە سیاسەتی فشاری ئێران و بانگەوازیان لە کۆمەڵگەی نێونەتەوەیی کرد بێدەنگ نەبن.