TJK-E: تا چاوپێکەوتن لەگەڵ ئیمڕالی ئەنجامنەدرێت، پێویستە لە کۆڵان
TJK-E لەبارەی ئاگرکەوتنەوە لە ئیمڕالی راگەیەنراوێکی بڵاوکردەوە و وتی، "بانگەوازیمان بۆ گەلەکەمان ئەوەیە، تا چاوپێکەوتن لەگەڵ ئیمڕالی ئەنجامنەدرێت، پێویستە لە کۆڵانەکان بین.
بزوتنەوەی ژنانی کورد – ئەوروپا لەبارەی ئاگرکەوتنەوەی دورگەی ئیمڕالی ڕاگەیەنراوێکی بڵاوکردەوە.
ڕاگەیەنراوەکەی TJK-E بەم شێوەیەیە:
"ڕژێمی ئاکەپە – مەهەپەی فاشیست گۆشەگیری و فشارەکانی لە سەر عەبدوڵلا ئۆجالان ڕێبەری گەلی کورد قوڕس کردووە و لەدژی گەلی کورد سیاسەتی قڕکردن بەڕێوەدەبات.
لە ٧ی ئابی ٢٠١٩ەوە چاوپێکەوتن لەگەڵ ڕێبەرمان ئاستەنگکراوە و گۆشەگیری بەردەوامە. دوایین جار لە ڕاگەیاندنەکاندا باسی ئەوەکرا کە لە دورگەی ئیمڕالی ئاگرکەوتووەتەوە. زانیاری لەبارەی تەندروستی و ئاسایشی ڕێبەرمان و زیندانیانی تر هیچ زانیاریەک بڵاونەکراوەتەوە. ئاستەنگکردنی چاوپێکەوتن لەگەڵ خانەوادە و پارێزەران یەکێک لە کردەوە هەرە بێئەخلاقیەکانی ڕژێمی فاشیستە. لە بەرانبەر هێرشەکان دەزگا نێودەوڵەتیەکان بێدەنگن ئەوەش هاوبەشی تاوانەکەیە. سی پی تی لە سەرەتادا، هیچ ڕەوایەتی ئەو دەزگایانە نەماوە.
ئێمە وەک ژنان بۆ کۆتاییهێنان بە گۆشەگیری و ئازادی ڕێبەرمان بێوەستان بەردەوامی بە تێکۆشانمان دەدەین. بانگەوازیمان بۆ گەلەکەمان ئەوەیە، تا چاوپێکەوتن لەگەڵ عەبدوڵلا ئۆجالان ڕێبەری گەلی کورد و زانیاری وەرگرتن لەبارەی تەندروستی و ئاسایشیی بەدەستنەهێنرێت، بڕژێینە سەر شەقامەکان و چالاکی ئەنجامبدەین."
ف.ق
