لە دوای ئەوەی لە بەغداد بە بەشداریی سەرۆک کۆمار بەرهەم ساڵح  و سەرۆک وەزێران مەسەتەفا کازمی و ژمارەیەكی بەرچاو لە بەرپرسانی باڵای عێراق مەراسیمێکی ڕێزلێنان بۆ ڕوفاتی ١٠٤ شەهید قوربانیی کۆمەڵکوژیی گوندیی کۆچۆی شەنگال گیرا، بڕیارە ئەمڕۆ ڕوفاتەکانیان بگەڕێندرێنەوە بۆ شەنگال و بە مەراسیمێکی جەماوەری بە خاک بسپێردرێن.

ڕوفاتی ئەو قوربانییانە پێشتر لە لە گۆڕی بە کۆمەڵ لە گوندی کۆچۆ لەلایەن هێزە ئەمنیەکان دۆزرابوونەوە دواتر بۆ پشکنینی (دی ئێن ئەی DNN ) ڕەوانەی بەغداد کرابوون.

چەتەکانی داعش لە مانگی ئابی ٢٠١٤ کۆمەڵکوژییەکی وەحشییانەی بەسەر گەلی ئیزدی دا هێنا لە شەنگال، لە ئەنجامی ئەو کۆمڵکوژییە هەزارن کەس بوونە قوربانی و بێسەروشوێن بوون.

یەكێک لەو گوندانە، گوندی کۆچۆبوو کە لە ١٥ئابی ئەو ساڵەدا چەتەکان بەسەر خەڵکی ئەو گوندەیان هێنا و زۆرترین قوربانیی لێکەوتەوە لە ئەنجامدا زێاتر ١٥٠٠ کەس بوونە قوربانی و تا ئیستا نزیکەی ٤٠٠ کەس لەو کەسانە بێسەرو شوێنن، کە داعش ڕفاندنی.

ژ.ت