لە ئامەد کاروباری هەڵبژاردنی پارتی چەپی سەوز بە فراوانی بەردەوامە. ئازاد بارش کاندیدی پارتەکە لە ئامەد رایگەیاند کە گەل داوای گۆڕانکاری دەکات.

ئازاد بارش بۆ ئاژانسەکەمان قسەی کرد و وتی، " کەشوهەوایەکی بێوێنە هەیە. گەل جۆش و خڕۆشی هەیە. ئێمەش جۆش و خڕۆشمان هەیە. کۆبونەوەکانمان لەگەڵ گەل بەهێزن. گۆڕانکاری و ئازادی خۆیان پیشان دەدەن."

بارش ئاماژەی بە دیالۆگی ئەوان و گەل کرد و وتی، " گەل داوای گۆڕانکاری دەکات."

بارش باسی ئەوەشی کرد کە گەل زۆر چالاکە و گەنجان زیندوون و ژنانیش زۆر چالاکن.

بارش ئەوەی خستەڕوو کە بە تایبەتی گەنجان زۆر هەوڵ دەدەن جێدەستیان دیار بێت و هەموو کەسێک دەڵێت ئێمە لەگەڵ پارتەکەی خۆمانداین و ناونیشانمان دیارە."

بارش وتی، " ئامەد ئامادەیە و گۆڕانکاری لە ئامەدەوە دەست پێدەکات و بەم شێوەیە بەردەوامی بە قسەکانیدا:

" ئامەد سەرکەوێت تورکیا سەردەکەوێت، گەل سەردەکەوێت. لێرە جۆش خڕۆشێکی زۆر هەیە کە لە هەموو کوردستان بڵاو دەبێتەوە و هەنگاو بە هەنگاویش لە تورکیا بڵاودەبێتەوە."

دەشڵێت، پشتگیریەکی زۆر هەیە. کاندیدەکان ماڵ  بە ماڵ دەگەڕێن و وتی، " دەرگاکانیان بۆ ئێمە دەکەنەوە. ئێمەش هەوڵ دەدەین لە پشت دەرگاکان تاریکی لەناوببەین. هەڵبژاردن هەموو شتێک دەگۆڕێت، بەڵام قۆناغی دوای هەڵبژاردن گرنگە."

بارش هەروەها وتی، گەل داواکارە کێشەی کورد چارەسەر بکرێت و دیموکراسی و ئاشتی جێگیر ببێت و گۆڕانکاری ببێت، بەم شێوەیە کەشوهەوای گۆڕانکاری لەنێو گەلدا بڵاوبووەتەوە."

ف.ق