فەرمانداری یەکینەکانی پاراستنی ڕۆژهەڵاتی کوردستان (یەرەکە)، لە ڕاگەیاندراوێکی نوسراودا، پرۆپاگەندەکانی دەوڵەتی تورک بەدرۆ دەخاتەوە، بانگەواز دەکات، هەمووان دژی هێرشەکان بە هەڵوێست بن.

دەقی ڕاگەیاندراوەکەی (یەرەکە) بەم جۆرەیە:

"بۆ ڕای گشتی و گەلەکەمان

شه‌وی رابڕدوو له‌ ڕێکەوتی ٠١.٠٩.٢٠٢٣ فڕۆكه‌ جه‌نگییه‌كانی ده‌وڵه‌تی داگیركه‌ر و فاشیستی توركیه‌ به‌ چڕی بۆمبارانی گونده‌كانی سه‌ر به‌ هه‌رێمی شارباژێری له‌ ده‌وروبه‌ری چیاكانی ئاسۆس كرد. ئه‌و بۆمباردومانه‌ كه‌ كاتژمێر ٠٠:٣٠ خوله‌ك هه‌تا ٢ی شه‌وی خایاند، هیچ زیانی گیانی نه‌بووه‌ و پڕۆپاگه‌نده‌كانی ده‌وڵه‌تی توركیە له‌م باره‌یه‌وه‌ هه‌موو دورە له‌ راستی و بە تەواوی دڕۆیه‌. ده‌وڵه‌تی داگیركه‌ر و فاشیستی توركیە له‌و بۆردوومانه‌ دا ته‌نیا زه‌ره‌ری به‌ باخ و باخچه‌ی خه‌ڵكی هه‌ریمەکە گه‌یاندووه‌. به‌و بۆمباردوومانە‌ جارێكی دیكه‌ دوژمنایه‌تی ده‌وڵه‌تی فاشیستی تورکیە له‌ به‌رامبه‌ر گه‌لی كورد له‌ باشووری كوردستان سه‌لمێندرا.

پێویستە گه‌لی ئێمه‌ له‌ هه‌موو به‌شه‌كانی كوردستان و به‌ تایبه‌تی گه‌لی باشوری كوردستان  خاوه‌ن هه‌ڵوێست بن و به‌رامبه‌ر بەو‌ هێڕشانە بێده‌نگ نه‌مێنن".