ئیدارەی خۆبەڕێوەبەری شەنگال جەژنی لە موسڵمانان پیرۆز کرد
بە پەیامێکی پیرۆزبایی ئیدارەی خۆبەڕەێوەبەری شەنگال جەژنی ڕەمەزانی لە گەلانی موسڵمان پیرۆز کرد و هیوای خواست جەژن ببێتە هۆکاری ئاشتی، ئارامی و پێکەوەژیانی گەلان.
پەیامە پیرۆزباییەکەیی ئیدارەی خۆبەڕێوەبەری شەنگال بۆ گەلانی موسڵمان بەم شێوەیە:
"بە دڵگەرمی و ڕێزدارییەوە جەژنی ڕەمەزان لە تەواوی بنەماڵەی شەهیدان و لە گەلانی موسڵمان پیرۆز دەکەین، کە خێروخۆشی گەلی ئێزدییان دەوێت.
دواکارین لە خودای گەورە ئەم جەژنە بکاتە ئامرازی ئاشتی و ئارامی، تا ئەوەی گەلانی هەرێمەکە بتوانن بە خۆشەویستی و پێکەوەژیانەوە بژین.
بەم بۆنەیەوە جەختەکەینەوە لەوەی هەموو کاتێک ڕیگەی سەرەکیمان ڕێگەی ئاشتی و ڕەخساندنی سەقامگریییە. هیواخوازین ئەم جەژنە ببێتە جەژنی ئاسایش و ئارامی."
