پەنابەرانی كەمپی شەهید رۆستەم جودی"مەخمور"، بە ڕپێوانێكی جەماوەری شەهیدکردنی ئاكارسەلیان بەتوندی شەرمەزار كرد. رێپێوانەكە لەبەردەم دەزگای بنەماڵەی شەهیدان دەستی پێكرد و تا بەردەم نوێنەرایەتی نەتەوە یەكگرتووەكان"یوو ئین"، بەردەوام بوو. لەرێپێوانەكەدا، درۆشمی"ژن، ژیان، ئازادی" و "شەهید نامرن" و "بژی بەرخۆدانی ژنان" وترانەوە.

لەبەردەم نوێنەرایەتی نەتەوە یەكگرتووەكان رێپێواندەران كۆبوونەوە و راگەیەندراوێكیان بۆ رای گشتی خوێندەوە و رایانگەیاند؛ بەدەیان هەڤاڵمان لەشاری سلێمانی بەدەستی سیخۆر و خوێنڕژان تیرۆر و شەهید كراون. ئەمڕۆكەش هەڤاڵمان ناگیهان ئاكارسەل بەشێوەیەكی دەرندانە و وەحشیانە تیرۆر كرا. وەكو گەل و دانیشتوانی مەخمور تیرۆری ناگیهان ئاكارسەل بەتوندی شەرمەزار دەكەین و ئەمەش رووی بەرێوەبەرایەتی باشور نیشان دەدات. چۆن دەبێت ئێمە لەشاری خۆماندا تیرۆر و بكۆژرین. بەرێوەبەرایەتی باشور خۆی لەخۆیدا بەشدار و هاوكاری ئەو بكۆژ و سیخۆرانەیە.

هاوكات دانیشتوانی كەمپی مەخمور، بانگەوازیان لەبەرێوەبەرایەتی باشور كرد و رایانگەیاند؛ دەست لە سیخۆری و خیانەت بەردەن. هەڤاڵ ناگیهان خزمەتكارێكی گەلەكەی بوو. هەموو ژیانی لەپێناو گەلەكەیدا بەخشی، ئێمە بەهەڤاڵ ناگیهان ئاكارسەل سەربڵندین. ناگیهان نوێنەری ژنی ئازاد بوو و هاوكات هەڤاڵی هەموو ژنان بوو.

ف.ق