کچێکی ٢٢ ساڵی کوردی شاری سەقز بەناوی ژینا ئەمینی (مەهسا) لە تاوان کە سەردانی کەسوکاری کردبوو، بەبیانوی ئەوەی قژی بەدەرەوەیە لەلایەن پۆلیس (دژە حیجاب)ی رژێمی ئێرانەوە دەستگیرکر و ئەشکەنجەکرا. بەهۆی گورزێک کە بەر سەری کەوت، بۆ بەشی نەخۆشی چڕی نەخۆشخانە گواتسرایەوە و دوای ٣ رۆژ گیانی لەدەستدا. دوای کوشتنی ژینا ئەمینی، لە زۆر شاری ئێران ژنان رژانە نێو شەقامەکان و لەدژی کوشتنی ژینا ئەمینی قژی خۆیان بڕی.
هێزەکانی ئۆپۆزسیۆنی ئێرانیش بە دروشمی 'پێویستە پۆلیسی دژی حیجاب' نەمێنێت، دەستیان بە کەمپەینێک کرد، بەڵام ژنان پشتگیری کەمپەینەکەیان نەکرد و  رایانگەیاند، بەم هەنگاوە دەیانەویت تووڕەیی ژنان لەدژی رژێمی ئێران دامرکێننەوە و داوایان لە ژنان کرد کە بەشداری لە چالاکی 'ئەگەر قژ نەبیت، تاوانیش نابێت' بکەن. ژمارەیەکی زۆر ژنانی ئێران لەچکەکانیان فڕێدا و  لەدژی رژێم هەڵوێستیان پیشاندا.
ف.ق