لە گەڤەر-ی جولەمێرگ لە ڕێکەوتی ٨ی تەشرینی یەکەم /خەزەڵوەر-ی ٢٠١٦ دا لە سەر ڕێگەی جەنگیز تۆپڵێ لە ئۆتۆمبێلیکی پۆلیس لە جۆری زریخ  لە لایەن پۆلیسێک بە ناوی (ئی ام) دەسترێژی گوولە لە هاووڵاتیان دەکریت کە بەو هۆیەوە ٤ هاووڵاتی مەدەنی بەناوەکانی  سەرحەد بوڵدان، ڕەحیم سەفحالی، نەجدەت ئیشوزۆ و ئایدین تۆمەن گیانیان لەدەست دەدەن و دوو هاووڵاتی دیکەش بە ناوەکانی شەمس ئەدین کایا و موحەمەد عەلی  بریندار دەبن.

دەربارەی ئەو کردەوە لە دادگە دۆسییەێک کرایەوە و ئابڕوچوونێکى دیکەی بۆ ئاکەپە دروستکردووە

لە ٣یەمین  جەلەسەی دادگایی کە لە دادگەی سزای قوورسی ئامەد بەڕێوە چوو و لەسەر داواکاری پارێزەرانی کوژراوەکان، لە وەزارەتی  کاروباری ناوخۆ پرسیار کراوە کە گوایا  دەر بارەی ئەم ڕووداوە لێپرسینەوە لە لایەنە پەیوەندیدارەکان کراوە یان نا.

وەزارەتی ناوخۆی پێوەندیدار بەو پۆلیسە بکوژە سوپاسنامە و بەڵگەی ڕێزلێنانی بۆ "سەرکەوتن" ڕەوانەی دادگە کرد.

ئیدارەی گشتی ئەمنیەت وسەرۆکایەتی گشتی سوپا ئەو سوپاسنامەیان ناردوە بۆ ئەو پۆلیسە بکوژە.

" بەشداری لە هێرشی قڕکردنی کردبو"

وەزارەتی ناوخۆ ئاشکاری کردووە کە ئی ام لە هێرشی  قڕکردن لە نێوان کانونی ٢٠١٥ و چلەی ٢٠١٦ لە سڵۆپ-ی شەرناخ سوپاسنامەی وەر گرتووە و ئێمە ڕیژمان لێگرتووە.

فەرمانداریەتی هێزە وشکانییەکان ، قایم مەقامی سڵۆپی وئەمنیەتی ئیستانبول ناویان لە ڕێر سوپاسنامەکەدا هاتووە، و هیوای سەرکەوتنیان بۆ خواستووە.

ئەو پۆلیسە  دوای ئەو کردەوەیە  دەسبەسەرکرابو بەڵام هێشتا ساڵێک بەسەر گرتنەکەیدا دەرباز نەببو کە ئازاد کرا.