'ئاکەپە گورزێکی گەورەی لە ئیرادەی گەل و تێکۆشانی دژی کۆرۆنا دا'
خەباتی رێکەوتنی کوردستانی دەست بەسەرداگرتنی شارەوانیەکانی ئیدانە کرد و رایگەیاند، ئاکەپە گورزێکی گەورەی لە ئیرادەی گەل و تێکۆشانی دژی کۆرۆنا دا.
خەباتی رێکەوتنی کوردستانی لە بارەی دەست بەسەرداگرتنی شارەوانیەکان راگەیێندراوێکی بڵاو کردەوە.
لە راگەیێندراوەکەدا، دەست بەسەرداگرتنی شارەوانیەکان، جێگیرکردنی قەیومەکان و دەستگیرکردنی هاوسەرۆکی شارەوانیەکان بە توندی ئیدانە و شەرمەزار کرا و هاوکات تیشک خرایە سەر مەترسیەکانی ڤایرۆسی کۆرۆنا و جەخت کرایەوە، بە دەست بەسەرداگرتنی شارەوانیەکان، گورزێکی گەورە لە ئیرادەی هەڵبژاردراوی گەل و تێکۆشانی دژی ڤایرۆسی کۆرۆنا درا.
لە راگەیێندراوەکەدا هەروەها تیشک خرایە سەر ئەوەی، ئەمە جێگای قبوڵکردن نیە و هاوکات بانگەوازیەک ئاڕاستەی هاوڵاتیان کرا کە خاوەنداری لە ئیرادەی هەڵبژێردراوی خۆیان بکەن.
ز.ش
