له ئامه‌د ئاگری نه‌ورۆز له لایه‌ن خانه‌واده‌ی زولكوف گه‌زه‌ن-ه‌وه هه‌ڵكرا. گه‌زه‌ن ڕۆژی ١٧ی ئاداری ٢٠١٩\٢٦ی ڕه‌شه‌مه له‌پێناو شه‌رمه‌زاركردنی گۆشه‌گیریی سه‌ر ئۆجالان چالاكیی فیدایی كرد.
پیرۆزبایی نه‌ورۆز له شاری ئامه‌د به درووشمی «به‌دڵنیاییه‌وه سه‌رده‌كه‌وین، كۆتایی به گۆشه‌گیری دێنین» به‌ڕێوه‌ده‌چێت. سه‌دان هه‌زار كه‌س له مه‌یدانی نه‌ورۆزی شاره‌كه كۆبوونه‌ته‌وه.
ئاگری نه‌ورۆزی ئامه‌د له لایه‌ن خانه‌واده‌ی زولكوف گه‌زه‌ن-ه‌وه هه‌ڵكرا. گه‌زه‌ن له‌پێناو شه‌رمه‌زاركردنی گۆشه‌گیریی سه‌ر ڕێبه‌ری گه‌لی كورد عه‌بدوڵا ئۆجالان، پاش ١٧ ڕۆژ له مانگرتن ڕۆژی ١٧ی ئادار له زیندانی پیتی «ف»ی ژماره ٢ی ته‌كیرداغ چالاكیی فیدایی كرد و كۆتایی به ژیانی خۆی هێنا.
كاتێك ئاگری نه‌ورۆز كرایه‌وه سه‌دان هه‌زار كه‌س له مه‌یدانی نه‌ورۆزی ئامه‌د درووشمه‌كانی «له‌یلا گیوڤه‌ن به‌های ئێمه‌یه»، «بژی به‌رخۆدانی زیندانه‌كان» و «زولكوف گه‌زه‌ن نامرێ» گوترانه‌وه.
s.m
