لە ١٤ی تەممووزدا بە فەرمانی داواکاری گشتیی کۆماری لە دیلۆک ئۆپراسیۆنی هەڵکوتانە سەر ماڵی هاووڵاتییان و سیاسەتمەداران دەستپێکرد و لەو چوارچێوەیەدا هاوسەرۆکان و بەڕێوەبەرانی هەدەپە و دەبەپە و سەیەکەپە دەستگیرکرابوون.

بەگشتی لەو ئۆپراسیۆنە پاکتاوکارانەیەی دەوڵەتى تورکدا ٢٩ کەس دەستگیرکران و دواى لێکۆڵینەوەکردن لەگەڵیان لەلایەن بەڕێوەبەرایەتیی پۆلیسی دیلۆکەوە رەوانەى دادگا کران.

دواى ئەوەى لە دادگا وتەیان لێوەرگیرا، هاوسەرۆکانی هەدەپە لە دیلۆک موسا ئایدن و سۆنگیول کۆچ داغ، دایکی ئاشتی رەمزییە ئەردەم و ١٦ سیاسەتمەدار و پارێزەرانی مافەکانى مرۆڤ بڕیاری زیندانیکردنیان بۆ دەرکرا و رەوانەى زیندان کران.

ئەوەش راگەیاندرا، ١١ کەسەکەى تریش بە مەرجی مانەوە لە ژێر چاودێریی دادگادا ئازاد کراون.

ژ.ت