برینداربونی کۆڵبەرێکی دیکە لەسەر سنوورەکانی ڕۆژ‌ەڵات
هێزە سەر سنووری کۆماری ئیسلامی ئێران لە سنوورەکانی شاری بانە-ی سەربە پارێزگای سنە-ی ڕۆژهەڵاتی کوردستان، کۆڵبەرێکی کوردیان دایە بەر دەستڕێژی گوولە و لە ئەنجامدا ئەو کۆڵبەرەیان بە سەختی بریندار کرد.
بە پێی هەواڵێکی ناوەندی دیموکراسی و مافەکانی مرۆڤی کوردستان، لە ئەنجامی تەقەی هێزەکانی کۆماری ئیسلامی ئێران لە گروپێک لە کۆڵبەرانی کورد لەسەر سنوورە دەستکردەکانی نێوان ڕۆژهەڵات و باشوری کوردستان کۆڵبەرێک بە سەختی برینداربوو.
ئەو کۆڵبەرە بریندارە ناوی سامان سابری تەمەنی ٢٣ سالە وخەلکی شاری بانەیە.
بە هۆی سەختی برینەکەی سامان سابری گوازراوەتەوە بۆ نەخۆشخانەی شاری سنە، نزیکانی ناوبراو ڕایانگەیاندووە کە دۆخی تەندروستی ئەو کۆلبەرە ناجێگریە و لە ژێر چاودێری پزیشکیدایە.
ک-ش
