نووسینگه‌ی لێپرسینه‌وه‌ی تاوانه‌كانی ڕاگه‌یاندن-ی سه‌ر به‌ داواكاری گشتیی ئیسته‌نبووڵ، دۆسیه‌یه‌كی بۆ په‌یامنێری ئاژانسی میزۆپۆتامیا (MA) یاسین كۆبولان به‌ تۆمه‌تی «پڕوپاگه‌نده‌ كردن بۆ ڕێكخستن.» ئاماده‌ كرد و دادگه‌ش په‌سه‌ندی كرد.

له‌ دۆسیه‌كه‌دا ئاماژه‌ بۆ ئه‌وه‌ كراوه‌ كه‌ له‌ كاتی هێرشه‌كانی حكوومه‌تی ئاكه‌په‌ دژی به‌رخۆدانی خۆبه‌ڕێوه‌به‌رییه‌كانی شاره‌كانی باكووری كوردستان له‌ مانگی ئاب - تشرینی یه‌كه‌می ٢٠١٥، كۆبولان له‌ فه‌یسبووك بابه‌تی وه‌های بڵاوكردوونه‌ته‌وه‌ كه‌ تاوانن.

بڕیاره‌ یه‌كه‌مین دانیشتنی دادگه‌ ده‌رباره‌ی دۆسیه‌كه‌ ڕۆژی ٢٦ی كانوونی یه‌كه‌می ٢٠١٨ كاتژمێر ٩:٤٥ به‌ڕێوه‌بچێت.

s.m