قائیمقامی سۆران، ئاگاداری شوفێران و هاووڵاتییان ده‌كاته‌وه‌، كه‌ رێگه‌ی سه‌ره‌كیی گه‌لی عه‌لی به‌گ بۆ هاتوچۆ به‌كارنه‌هێنن.

 كرمانج عیزه‌ت، قائیمقامی قەزای سۆران لە راگەیەندراوێکدا رایگەیاند:" به‌ هۆی تێكچوونی رێگه‌كه‌ و درووستبوونی مه‌ترسی بۆ سه‌ر ژیانی هاووڵاتییان، بڕیارمان داوه‌ رێگه‌كه‌ داخه‌ین".

ھەروەھا دەشلێت: شوفێران و هاووڵاتیان ده‌توانن رێگه‌ی بێخاڵ بۆ هاتووچۆ به‌كار بهێنن، تا چاره‌سه‌ری كێشه‌كانی رێگه‌كه‌ ده‌كرێت.

ھاوکات ھاووڵاتییەک لە مردن رزگار کرا لەلایەن بەرگری شارستانی سۆران.

لەناحیەی خەلیفان لافاو دروستبوو و زیانی بە ھاووڵاتییان گەیاند و رێگاکە داخرا و خانووی ھاووڵاتییەک لە ھەرێمی سۆران رووخا.

لە ئێستادا ھاتووچۆ بەگشتی لەو سنوورانەدا پەکی کەوتوو و زیانێکی زۆریش بە ھاوینەھەواری گەلی عەلی بەگ گەیشتووە.

ر.م