داواکاریی خانەوادەکان بۆ سەردانی ئیمرالی رەتکرایەوە
داواکاریی گشتی بورسا، سەردانی خانەوادەی رێبەری گەلی کورد عەبدولا ئوجالان و خانەوادەی گیراوانی دیکەی سیاسی بۆ جارێکی دیکە رەتکردەوە. هاوکات گۆشەگیریی توندی ئیمرالیش بەردەوامە.
داواکاریی گشتی شاری بورسا، داواکەی محمد ئوجالان برای رێبەری گەلی کورد عەبدولا ئوجالان و پارێزەرەکەی مەزلوم دینچ-ی رەتکردەوە. هاوکات داواکاریی خانەوادەکانی هەر یەک لە گیراوانی سیاسی عومەر هایری کۆنار، هاملیلی یڵدرم و ڤەیسی ئاکتاش کە لە گەڵ ئوجالان لە گرتووخانەی ئیمرالیدان، رەد کردەوە.
دوایین جار خانەوادەکان لە ١٢ی مانگی ئابی ساڵی رابردوو توانیبوویان لەگەڵ ئوجالان و گیراوانی دیکەی سیاسی چاوپێکەوتن ئەنجام بدەن و لەو بەروارەوە تا ئیستا هەموو داواکارییەکان بۆ سەردانکردنی ئیمرالی رەتکراونەتەوە.
ز.ش
