دایک و باوکێک کە بۆ کوڕەکەیان چالاکییان ئەنجامدا، دەستگیر کران
دایک و باوکی مستەفا کۆچاک کە لە گرتووخانە وا ٢٠٧ رۆژە لە چالاکی مانگرتندایە لە خواردن، دەستگیر کران.
دایک و باوکی مستەفا کۆچاک کە لە گرتووخانە وا ٢٠٧ رۆژە لە چالاکی مانگرتندایە لە خواردن، دەستگیر کران.
مستەفا کۆچاک کە تەمەنی ٢٨ ساڵە و بەهۆی دانپێدانانی سکاڵاکەرێک، سزای هەتا هەتایی بۆ بڕاوەتەوە و بەو هۆیەوە دەستی بە چالاکی مانگرتن لە خواردن کردبوو، دوای ٩٠ رۆژیش، چالاکییەکەی گواستەوە بە رۆژووی مردن و ٢٠٧ رۆژە لەو چالاکییە دایە.
بانگەوازی و هۆشداری
دایک و باوکی مستەفا کۆچاک بۆ ئەوەی تیشک بخەنە سەر ئەو ناحەقییەی لە کوڕەکەیان کراوە، لە گۆڕەپانی خالکەدانی سەر بە ناوچەی کادکۆی لە ئەستەنبول چالاکییەکیان ئەنجامدا. زەینەب و حەسەن دایک و باوکی مستەفا بانگەوازییەکیان ئاڕاستەی رۆژنامەنووس و هونەرمەند و رێکخراوە دیمۆکراتەکان کرد و هیشدارییان لەم بارەیەوەدا.
'بۆ داد و یەکسانی بەرەو مردن دەچێت'
زەینەپ کۆچاکی دایکی مستەفا کۆچاک وتی:" کوڕەکەم لە تەمەنی ٢٨ ساڵیدا بۆ داد و یەکسانی بەرەو مردن دەچێت." حەسەن کۆچاکی باوکیشی وتی:" کوڕەکەم چی کردووە؟ بووە بە قوڕبانی دەستی کەسێک کە دانپێدانانی کردووە و ناوی ئەوەی هێناوە. لە تەمەنی ٢٨ ساڵیدا کوڕەکەم دەنێرن بۆ مردن. من دەپرسم ئایا ئەگەر منداڵی وەزیرێک بوایان، بەم شێوەیە دەبوو؟
هێزەکانی پۆلیس دایک و باوکی مستەفا کۆچاکیان دەستگیر کرد.
ز.ش