ماوەی زیاتر لە دوو ساڵە کە حکومەتی تورک لە سووری ئامەد قەدەغەی هاتووچۆی ڕاگەیاندووە، ئاژانسی هەواڵی فورات بە وێنە دوایین دۆخی ئەو شارۆچکەیەی سەر بە ئامەدی ڕوماڵ کردووە.

حکومەتی تورک خانووەکانی هاوڵاتیان لە گەڕەکەکانی حاسرلی، دابانوغڵو، جەواد پاشا، فاتح پاشا، جەمال یڵماز و ساڤاشی سووری ئامەدی ڕووخاندووە.

لە ساڵی ٢٠١٥ دا لەو گەڕەکانەدا بۆ ماوەی سێ مانگ خۆبەڕێوبەری ڕاگەیەندرا، سوپای تورک بە تۆپ و تانک و هەموو کەرەستە سەربازییەکانییەوە سووری گەمارۆدا و کۆمەڵکوژی لەو شارۆچکەیەدا پێکهێنا، ئێستا ماوەی زیاتر لە دوو ساڵە لە شارۆچکەی سوور قەدەغەی هاتووچۆ ڕاگەیەندراوە و گوشار خراوەتە سەر ژیانی هاوڵاتیان.