بەپێی وتەی بەرپرسانی خۆجێی ڕووداوەکە لە ویلایەتی گور هەفتەی پێشوو ڕوویداوە. حەبیبولڕەحمان مەلەکزادە بۆ ئاژانسی ئەی ئێف پی ڕایگەیاند، بە بیانووری هاوکاریکردنی حکومەت چەکدارانی تالیبان هەڵیانکوتاوەتە سەر گوندێک.

لە گوندەکە کەسێک لە ماڵەکەی هێنرایە دەرەوە و هاوسەرەکەشی بەرگری کرد و لە ئەنجامدا هەردووکیان کوژران.

مەلەکزادە وتی،" کچی بچووکی ماڵەکەش چەکێکی هەڵگرتووە و تەقەی لەو چەکدارانە کردووە کە دایک و باوکی کوشتوون و لە ئەنجامدا دوو چەکداری تالیبانی کوشتووە و ژمارەیەکیشی بریندار کردووە. بە پێی زانیاریەکان تەمەنی کچەکە ١٤ بۆ ١٦ ساڵە.

دواتر چەکدارانی تالیبان هێرشیان کردووەتە سەر گوندەکە، بەڵام میلیشیاکان و خەڵکی گوندەکە هێرشەکەیان تێکشکاندووە.

کچە بجووکەکە و براکەی کە لەو بچووکترە لە ئێستادا لە ژێر چاودێری ئاسایشی حکومەتن.

ف.ق