وەزارەتی تەندروستی ڕاشیگەیاند" لە چوارچێوەی خۆپاراستن و ڕێگریکردن لە بڵاوبونەوەی ڤایرۆسی کۆرۆنا و کۆنترۆڵکردنی نەخۆشییەکە، تیمە پزیشکیەکانمان بەردەوامن لە گەڕان بە دوای هەڵگرانی ڤایرۆسەکە و هەروەها چاودێریی ئەو کەسانە دەکەین، کە گومانیان لێدەکرێت هەڵگری ڤایرۆسەکە بن، کە ژمارەیان ٢٨٧٢ کەسە و لە ٣١ شوێنی جیاجیادا لە ژێر چاودێریدان".

ئەوەشی راگەیاند، لە ئێستادا ١٢٥٤ کەس لە ژێر چاودێری دەرباز بوون و چونەتەوە بۆ ماڵەوە.

بەپێی ئەو ڕاگەیەندراوە، کە وەزارەتی تەندروستی هەرێمی کوردستان بڵای کردوەتەوە لە ماوەی ٢٤ کاتژمێری ڕابردودا پشکنین بۆ ٧٢ گومان لێکراو ئەنجام دراوە و لە نێویاندا دەرکەوتووە یەک حاڵەت ئەرێنیە و هەڵگری ڤایرۆسی کۆرۆنایە. ئەو هاووڵاتییە ژنێکی تەمەن ٤٩ ساڵە و دانیشتوی شاری هەوڵێرە و ماوەیەک لەمەوبەر بە مەبەستی وەرگرتنی چارەسەری تەندروستی سەردانی وڵاتی ئێرانی کردوە.

بەو پێیەش ژمارەی توشبوان بە ڤایرۆسی کۆرۆنا لە هەرێمی کوردستان گەیشتە ١٠ حاڵەت و لە نێوانیاندا یەک کەسیش گیانی لە دەستداوە.

ژ.ت