دەسەڵاتى فاشیستیی ئاکەپە – مەهەپە دەستی بەسەر شارەوانییەکانى هەدەپە لە ئێلح، فارقین، لیجە و ئەرخەنی دا گرت و قەیومی بەسەر شارەوانییە هەڵبژێردراوەکانى هەدەپەدا داسەپاند و هاوسەرۆک شارەوانییەکانى فارقین و ئەرخەنیشی دەستگیرکرد.
دەوڵەتى فاشیستیی ئاکەپە – مەهەپە دەستیگرت بەسەر شارەوانییەکانى هەدەپە لە ئێلح، فارقین، لیجە و ئەرخەنی دا.
دەوڵەتى داگیرکەری تورک لە بەردەوامیی ئۆپراسیۆنی پاکتاوی سیاسیی لە دژی گەلی کورد ناشیدە تۆپراک هاوسەرۆک شارەوانیی فارقین و ئەحمەد کایا هاوسەرۆک شارەوانیی ئەرخەنیی دەستگیرکرد.
پۆلیسەکانى دەوڵەتى تورک بینای شارەوانییە دەستبەسەردا گیراوەکانى هەدەپەیان گەمارۆداوە و رێگا بە هیچ کەس نادەن بچێتە ناو بینای شارەوانییەکانەوە.
ژ.ت
