دەوڵەتی تورکیا شوێنەوارەکانی حەسکێف تالان دەکات
لە ناوچەی مێژوویی حەسکێف-ی باکووری کوردستان لەلایەن کاربەدەستانی حکومەتی تورکیاوە بەشێک لە هەیوانی زاڤیەیا ئیمام عەبدولا لە شوێنی خۆی ڕاکرا وگوازرایەوە بۆ شوێنێکی دیکە.
ڕژیمی ئاکەپە دەستی داوەتە تالانکردنی مێژوو و ژینگەی کوردستان. لەم چوارچێوەیەدا بەرهەم وشوێنەوارە مێژووییەکانی حەسکێف-ی یەک بەیەک تالان کردووە و لەشوێنی خۆیان دەیگوازێتەوە بۆشوێنی دیکە. لەم ماوەدا ڕژیمی ئاکەپە بەشێک لە لە هەیوانی زاڤیەیای ئیمام عەبدوڵای لە شوێنی خۆی هەڵکەندووە.ئەم هەیوانە کە کێشەکەی ٢٦٥ تەن مەزەندەدەکرێت لەڕێگەی بارهەڵگری تایبەتەوە گوازراوەتەوە بۆ شوێنێکی دیکە کە دەکەوێتە ٣ کم حەسکێف.
دەوڵەتی تورکیا بە بیانووی دروستکردنی بەنداو بەنیازە شوێنەوارە میژووییەکانی کوردستان لە شوێنی خۆی بگوازێتەوە بۆ شوێنگەلی دیکە لە تورکیا.
ک-ش
