سكاڵایەکی نوێ لەدژی تونجەل ئامادەکرا
داواکاری گشتی تورک بۆ سزادانی سەباحەت تونجەل هاوسەرۆکی پێشووی دەبەپە سکاڵایەکی نوێی تۆمارکرد.
داواکاری گشتی ئامەد بە بیانووی ' سووکایەتی بە سەرۆککۆمار کردووە' سکاڵایەکی نوێی لەدژی سەباحەت تونجەل هاوسەرۆکی پێشووی دەبەپە تۆمار کرد.
لە سکاڵاکەدا قسەکانی تونجەل لە چالاکی ٢٨ی تشرینی یەکەمی ٢٠١٦دا بۆ شەرمەزارکردنی دەستگیرکردنی گولتەن کشاناک و فورات ئانلی هاوسەرۆکانی شارەوانی ئامەد وەک بیانوو پیشاندراوە. لەو چالاکیەدا سەباحەت تونجەل رەخنەی ئەوەی لە ئەردۆغان کردبوو کە 'دوژمنی ژنانە'. ئاکەپە و ئەردۆغان لەدژی کوردن. ئەو رەخنانە وەک سووکایەتی بە سەرۆککۆمار لە قەڵەمدراوە.
تەنجەل: تاوانم نەکردووە
تەنجەلیش رایگەیاند، ئەو هیچ تاوانێکی نەکردووە و ئەو لێپرسینەوەی لەبارەی ئەوەوە دەستپێکراوە، ئاستەنگکردنی سیاسەت، هزر و ڕێکخستنە.
داواکاری گشتی تورک داوای کرد سزای ٤ ساڵ سزا بەسەر تونجەلدا بسەپێنرێت.
ف.ق
