شاندی هه‌ده‌په له‌گه‌ڵ كۆمه‌ڵی ئیسلامی كۆبوویهوه
كۆبوونه‌وه‌ی شاندی هه‌ده‌په له‌گه‌ڵ لایه‌نه‌كانی باشووری كوردستان به‌رده‌وامه. ئه‌مڕۆ شانده‌كه له شاری هه‌ولێر له‌گه‌ڵ كۆمه‌ڵی ئیسلامیی كوردستان كۆبوویهوه.
شاندی پارتیی دیموكراتیی گه‌لان - هه‌ده‌په كه له په‌روین بووڵدان هاوسه‌رۆكی هه‌ده‌په، عوسمان بایده‌میر، فه‌له‌كناس ئوجا، ئیمام تاشچیئه‌ر، دیله‌ك ئۆجالان و به‌دران ئۆزتورك په‌رله‌مانتارانی هه‌ده‌په و دیله‌ك بۆگا ئه‌ندامی لیژنه‌ی ناوه‌ندی هه‌ده‌په پێكدێت، له لایه‌ن عه‌لی باپیر ئه‌میری كۆمه‌ڵی ئیسلامیی كوردستان و به‌رپرسانی دیكه‌ی پارته‌كه پێشوازییان لێكرا.
له دوای كۆبوونه‌وه‌ی هه‌ردوو لا، عه‌بدولستار مه‌جید ئه‌ندامی ئه‌نجومه‌نی سیاسیی كۆمه‌ڵ ڕایگه‌یاند: بابه‌تی سه‌ره‌كی كۆبوونه‌وه‌كه‌مان پێكهێنانی كۆنگره‌ی نه‌ته‌وه‌یی بوو. ئێمه ڕامانگه‌یاند كه له هه‌موو ڕوویه‌كه‌وه بۆ كۆنگره‌كه ئاماده‌ین.
ناوبراو وتی: ئێمه به شاندی هه‌ده‌په‌مان ڕاگه‌یاند كه پێویسته له ماوه‌یه‌كی زۆر نزیكدا لایه‌نه‌كان كۆببنه‌وه و بۆ كۆنگره‌ی نه‌ته‌وه‌یی خه‌باتی پێویست بكه‌ن. وتیشی بۆ پاراستنی ده‌ستكه‌وته‌كانی گه‌لی كورد، كۆنگره‌ی نه‌ته‌وه‌یی زۆر گرنگه.
s.m
