فڕۆكه‌جه‌نگییه‌كانی سوپای توركی داگیركه‌ر ڕێكه‌وتی ١١-١٣ی ئادار\٢٠-٢٢ی ڕه‌شه‌مه بۆردومانی هه‌رێمه‌كانی زێ و ئاڤاشین-یان كرد. هه‌په‌گه ڕایگه‌یاند، به‌هۆی بۆردومانه‌كان هیچ زیانێكیان پێنه‌گه‌یشتووه.
ناوه‌ندی ڕاگه‌یاندنی هێزه‌كانی پاراستنی گه‌ل (هه‌په‌گه) ده‌رباره‌ی بۆردومانی فڕۆكه‌جه‌نگییه‌كانی سوپای توركی داگیركه‌ر ئه‌مڕۆ ڕاگه‌یه‌نراوێكی بڵاوكرده‌وه.
له ڕاگه‌یه‌نراوه‌كه‌دا هاتووه، «١١ی ئادار\٢٠ی ڕه‌شه‌مه كاتژمێر ٩:٣٠ فڕۆكه‌جه‌نگییه‌كان بۆردومانی ده‌وروبه‌ری ئه‌شكه‌وتی برینداران-ی هه‌رێمی زێ-یان كرد. هه‌روه‌ها ١٢ی ئادار\٢١ی ڕه‌شه‌مه له‌نێوان كاتژمێر ٨:٣٠ - ٩:٣٠ ناوچه‌كانی چیای ڕه‌ش، گردی جه‌هه‌ننه‌م و ئاڤا زێ-ی هه‌رێمی زێ، كاتژمێر ١٧:١٥-یش ناوچه‌ی سدا-ی هه‌مان هه‌رێم بۆردومان كران.»
هه‌ر به گوێره‌ی ڕاگه‌یه‌نراوه‌كه‌ی هه‌په‌گه، ئه‌مڕۆ (١٣ی ئادار\٢٢ی ڕه‌شه‌مه) كاتژمێر ١:٥٠ فڕۆكه‌جه‌نگییه‌كان بۆردومانی دۆڵی ئاڤاشین-ی هه‌رێمی ئاڤاشین-یان كردووه. هه‌په‌گه ڕایگه‌یاند، به‌هۆی ئه‌و بۆردومانانه هیچ زیانێك به هێزه‌كانیان نه‌گه‌یشتووه.
s.m
