فڕۆکە جەنگییەکانى تورکیا زاپ و شرنەخ-یان بۆردومان کرد
هەپەگە رایگەیاند، فڕۆکە جەنگییەکانى سوپاى تورکیا رۆژی ١٧ی تشرینى دووەم ناوچەکانى گەریلایان بۆردومان کردووە. لەو بۆردومانانەدا هێزەکانى گەریلا بێ زیان بوون.
ناوەندی راگەیاندن و چاپەمەنیى هێزەکانى پاراستنى گەل (هەپەگە) لەبارەى بۆردومانى فڕۆکە جەنگییەکانى سوپاى تورکەوە راگەیاندراوێکى بڵاوکردەوە.
لە راگەیاندراوەکەى هەپەگەدا هاتووە:
"فڕۆکە جەنگییەکانى سوپاى کۆماری تورکیای داگیرکەر رۆژی ١٧ی تشرینى دووەمی ٢٠١٨ لە کاتژمێر ١٨:٠٠ بۆ ٢٠:٠٠ دوو جار هێرشیان کردە سەر ناوچەى جیلۆی بچووک و ناوچەى زاپ لە هەرێمەکانى پاراستنى مەدیادا.
هەروەها لە ئێوارەى هەمان رۆژدا و لە کاتژمێر ١٩:٤٠ دا ناوچەى شەهید کەنداڵ لە قلەبانی شرنەخ لەلایەن فڕۆکە جەنگییەکانى تورکیاوە بۆردومان کرا.
گەریلاکانمان لەو بۆردومانانەدا هیچ زیانێکیان نەبووە".
ر.م
