ناوەندی راگەیاندن و چاپەمەنیى هەپەگە بڵاویکردەوە، فڕۆکە جەنگییەکانى سوپای کۆماری تورکیای داگیرکەر هێرشیان کردووەتە سەر ناوچەکانى گارە، مەتینا، زاپ و ئاڤاشین لە هەرێمەکانى پاراستنى مەدیا.
لە راگەیاندراوەکەدا هاتووە:
"لە ١١ی ئادار لە کاتژمێر ١٢:٢٠ دا فڕۆکە جەنگییەکانى دەوڵەتى تورکی داگیرکەر ناوچەکانی دەشتی کافیا لە گارە، کەستا لە مەتینا و تەپەی شەهید شاهین-یان لە زاپ بۆردومانکرد.
لە بەردەوامیى ئەو بۆردومانانەدا لە ١٢ی ئادار لە کاتژمێر ٢٢:٣٠ دا تەپێ سۆر لە ناوچەى ئاڤاشین لەلایەن فڕۆکە جەنگییەکانى دەوڵەتى تورکی داگیرکەرەوە بۆردومانکران.
بەهۆی ئەو بۆردومانانەوە هێزەکانمان هیچ زیانێکیان پێنەگەیشتووە".
ژ.ت
