لە برادۆست، كەمپەینێك بۆ كۆكردنەوەی هاوكاری بۆ ڕۆژئاوای كوردستان ڕاگەیەنرا
لە سنوری برادۆست كەمپەینێك بۆ كۆكردنەوەی هاوكاری بۆ ڕۆژئاوای كوردستان ڕاگەیەندرا و بڕیارە ماوەی هەفتەیەک بەردەوام بێت.
لە سنوری برادۆست كەمپەینێك بۆ كۆكردنەوەی هاوكاری بۆ ڕۆژئاوای كوردستان ڕاگەیەندرا و بڕیارە ماوەی هەفتەیەک بەردەوام بێت.
كۆكردنەوەی كۆمەك و هاوكاری بۆ ڕۆژئاوای كوردستان بەردەوامە، لەو چوارچێوەیەشدا لە شارەدێی سیدەكانی دەڤەری برادۆستی سەر بە پارێزگای هەولێر، لەژێر خێمەیەكدا كەمپەینێكی یەك هەفتەیی ڕاگەیەندرا.
هۆشمەند برادۆستی، یەكێك لە بەشداربووانی كەمپەینەكە وتی: برادۆستیەكان لەپرسە نەتەوەیی و نیشتیمانیەكاندا هەمیشە ئامادەییان هەبووە، هەربۆیە هەوڵیانداوە لەڕێگەی كەمپەینێكەوە هاوكاری بۆ کوردانی ڕۆژئاوای كوردستان كۆبكەنەوە.
وتیشی: ئەوەی لەڕۆژئاوای كوردستان ڕوودەدات داگیركاری و پێشێلكردنی مافەكانی مرۆڤەو پێچەوانەی هەموو بنەمایەكی دیموكراسی و مافی مرۆڤە.
كەمپەینی كۆكردنەوەی كۆمەك و هاوكاری لە شارەدێی سیدەكانی دەڤەری برادۆست لەڕۆژی سێ شەممەوە ڕاگەیەندراوە تا ئێستا بڕێک هاوکاری کۆکردوەتەوە و بڕیارە تا دووشەممەی داهاتوو بەردەوام بێت.
ف.ق