لە تەقینەوەیەکدا لە سلۆپی ٢ جەردەوان کوژران
لە ناوچەى سلۆپی تەقینەوەیەک روویدا. بەهۆی ئەو تەقینەوەیەوە ٢ جەردەوان کوژران و ٤ جەردەوانى تریش بریندار بوون.
لە شاخی ئەزمانای گتە لە ناوچەى سلۆپیى شرنەخ جەردەوانان و سەربازان لە ئۆپراسیۆندان. لە کاتى ئەنجامدانى ئۆپراسیۆنەکەیاندا تەقینەوەیەک روویدا.
بەپێى زانیارییە سەرەتاییەکان لەو تەقینەوەیەدا ٢ جەردەوان بە ناوەکانى خەلیل یەربۆگا و سولەیمان تۆسون کوژراون و بەلانیکەمەوە ٤ جەردەوانى تریش برینداربوون.
جەردەوانە بریندارەکان گواستراونەتەوە بۆ نەخۆشخانەى حکومیى شرنەخ. ئۆپراسیۆنى جەردەوانان و سەربازان لەو ناوچەیەدا درێژەى هەیە.
تاوەکو ئێستا هەپەگە لەبارەى ئەو رووداوەوە راگەیاندراوى بڵاونەکردووەتەوە.
ر.م
