ئاهەنگی یادکردنەوەکە بە دروشمی "گۆشه‌گیریی تێكده‌شكێنین، فاشیزم ده‌ڕوخێنین، كوردستان ئازاد ده‌كه‌ین" رۆژی پێنجەشەممەى داهاتوو ٢٩ی تشرینى دووەمی ٢٠١٨ لە لە کاتژمێر ٢:٣٠ی دوای نیوەڕۆ لە هۆڵی تەوار لە شاری سلێمانى بەڕێوەدەچێت.

دەستەى ئامادەکاری یادەکە رایانگەیاندووە "گەلەكەمان بەقۆناخێكی چارەنووسسازدا تێدەپەڕێت و ڕووبەڕووی پیلانگێڕیی گەورەین. بۆ ئه‌م مەبەسته‌ و مایەپوچكردنی هەموو ئەو هەوڵانە و بەسەركەوتن گەیاندنی تێكۆشانی ئازادی و نیشاندانی یەك هەڵوێستیی بەرامبەر بەهەموو پیلانەكان، ئاماده‌بوونتان مایه‌ی دڵخۆشیمانه"‌.

ئاهەنگی یادی دامەزراندنی پەکەکە چەندین بەرنامەى جۆراجۆر لە خۆ دەگرێت و هەریەک لە  تیپی هه‌ڵپه‌ڕكێی ئه‌ستێره، تیپی مۆسیقای میزۆپۆتامیا و هونه‌رمه‌ند باری (له ‌ڕوسیاوه‌) بەشداری لە ئاهەنگەدا دەکەن.

ر.م