ئەمڕۆ چوار شەممە ٢٠ئاداری ٢٠١٩ / ٢٩ی رەشەمە لە ناوچەكانی سۆران و سیدەكان و مێرگەسۆر بە بەشداریی چەندین ھونەرمەندی باكووری كوردستان ئاھەنگی ھونەری و میللی ساز دەكرێت.

لە ناوچەی سیدەكان بەھەڵدانی ڕەشماڵ لەلایەن گروپی ھونەری و تۆڕی رێكخراوە ناحكوومییەكانی سیدەكان و گروپی ھەڵپەڕكێ ئاگری نەورۆز دەكرێتەوە. ئەو چالاکییانە لە دوای كاتژمێر ٣:٠٠ی دواى نیوەڕۆ دەست پێدەكەن.

ھەروەھا لە شاری سۆران رێوڕسمی هەڵكردنی مەشخەڵی ئاگر و ئاهەنگی نەورۆز لە پاركی گوڵان سازدەكرێت. بە ئاهەنگ و گۆرانی و هەڵكردنی مەشخەڵی ئاگری نەورۆز یادەكە بەرز رادەگیرێت. بە ئامادەبوونی چین و توێژەكانی شاری سۆران و دەوروبەری و بەبەشداریی چەند هونەرمەند، ئاهەنگێكی موزیك و گۆرانی و سرودی نەتەوەی ساز دەكرێت. یادەکە بە بەشداریى هەر یەک لە هونەرمەندانى باکووری کوردستان ‌شه‌ڤین دێرسم و ئارام باشکالا بەڕێوەدەچێت.

هاوکات سەنتەری رۆشنبیری و ھونەریی مێرگەسۆر لە دواى کاتژمێر ٣ی دواى دواى نیوەڕۆى ئەمڕۆ لە ئەشكەوتی شانەدەر ئاھەنگێكی جەماوەری بەبۆنەی ھاتنی جەژنی نەتەوەیی نەورۆز بە بەشداریی ھەریەك لە ھونەرمەندانی دەلیل و كاوە و ھەڤال ئیبراھیم و كەوێ رێکدەخات.

ر.م