لە شەمزینان چالاکى، لە دێرسیم و موش ئۆپراسیۆن
هەپەگە رایگەیاند، لە ناوچەى شەمزینان ٢ سەربازی تورکیا کوژران.
هەپەگە رایگەیاند، لە ناوچەى شەمزینان ٢ سەربازی تورکیا کوژران.
ناوەندى راگەیاندن و چاپەمەنیى هێزەکانى پاراستنى گەل (هەپەگە) لەبارەى چالاکیى هێزى گەریلا و ئۆپراسیۆنەکانى سوپاى تورکیا بڵاوکردەوە.
لە راگەیاندراوەکەى هەپەگەدا هاتووە:
لە شەمزینان ٢ سەرباز کوژران
"هێزەکانمان لە چوارچێوەى هەڵمەتى شۆڕشگێڕیى شەهید پیرۆز و شەهید ئاگری دا لە رۆژی ٢٠ى ئابی ٢٠١٨ و لە کاتژمێر ٢٠:٣٠ لە ناوچەى شەهید سەرحەد لە هەرێمى گۆڤەند لە شەمزینانى جۆلەمێرگ چالاکییەکیان لە دژى سوپاى کۆمارى تورکیاى داگیرکەر ئەنجامدا. لەو چالاکییەدا ٢ سەرباز کوژران.
سەربازانى تورکیا لە دێرسیم ئاگریان بەردایە دارستانەکان
سوپاى کۆمارى تورکیاى داگیرکەر رۆژی ١٨ى ئابی ٢٠١٨ لە دەورووبەری ناوچەکانى خاچالی، رەنگیول و بالی مەزرا لە ناوەندى دێرسیم دەستیان بە ئەنجامدانى ئۆپراسیۆنێکى بەرفراوانکرد. لە ئۆپراسیۆنەکەدا فڕۆکەى بێفڕۆکەوان و کۆپتەری جۆری کۆبرا بەکارهێنران. ئۆپراسیۆنەکە هەر ئەو رۆژە کۆتایى پێهات. سوپاى کۆمارى تورکیا لە کاتى ئەنجامدانى ئۆپراسیۆنەکەدا بە ئەنقەست ئاگری بەردایە چەندین ناوچەى دارستانی. ئەو ئاگرە تاوەکو ئێستا بەردەوامیى هەیە و ئاگرەکە نەکوژێنراوەتەوە.
ئۆپراسیۆنەکەى موش بێ ئەنجام بوو
ئێوارەى رۆژی ١٨ى ئابی ٢٠١٨ ، سوپاى کۆمارى تورکیاى داگیرکەر لە ناوچەى شەهید ئامەد و شەهید ئاخین لە موش دەستی بە ئەنجامدانى ئۆپراسیۆن کرد. ئۆپراسیۆنەکە تاوەکو رۆژی ٢٠ى ئابی ٢٠١٨ بەردەوامیى هەبوو و بە بێ ئەوەى ئەنجامێکى لێ بکەوێتەوە کۆتایى پێهێنرا".
ر.م