لە فیلیپین بوومەلەرزەیەکی بەهێز ڕوویدا
لە ناوەندی فیلیپین بوومەلەرزەیەک بە پلەی ٦.٦ ڕوویدا. بەپێی ئامارە سەرەتاییەکان، کەسێک بەهۆی گیانی لەدەستداوە.
بە پێی ناوەندی بوومەلەرزەزانی ئەمریکی، بوومەلەرزەکە کاتژمێر ٠٨:٠٣ لە دورگەی ماسباتا و ١٠ کیلۆمەتر لە ژێر زەوی ڕوویداوە.
بەرپرسێکی شاری جاتانگان کە دانیشتووانەکەی ٥٠ هەزار کەسە و چەند کیلۆمەترێک لە ناوەندی بوومەلەرزەکەوە دوورە ڕایگەیاند، بوومەلەرزەیەکی زۆر بەهێز بووە و زیانێکی زۆر بەر ماڵ و باڵەخانەکان کەوتووە.
پۆلیسی ئەو وڵاتە ڕایگەیاند، کەسێک گیانی لەدەستداوە و پڕۆسەی گەڕان و پشکنینیش بەردەوامە.
مانگی کانونی یەکەمی ساڵی ڕابردووش لەو وڵاتە بوومەلەرزەیەک بە پلەی ٦.٨ ڕوویدا و لە ئەنجامدا ٣ کەس گیانیان لەدەستدابوو و بە دەیان کەسیش بریندارببوون.
ف.ق
