لە لیجە ئۆپراسیۆن و شەڕ هەیە
هێزەکانى تورکیای داگیرکەر لە ناوچەکانى لیجەى ئامەد لەگەڵ جەردەوانەکاندا دەستیان لە ئۆپراسیۆن کردووە و بەپێى زانیارییە سەرەتاییەکان شەڕ لەو ناوچەیە ڕوویداوە.
هێزەکانى تورکیای داگیرکەر لە ناوچەکانى لیجەى ئامەد لەگەڵ جەردەوانەکاندا دەستیان لە ئۆپراسیۆن کردووە و بەپێى زانیارییە سەرەتاییەکان شەڕ لەو ناوچەیە ڕوویداوە.
سوپاى تورکیاى داگیرکەر لە رۆژى ١٠ى حوزەیرانەوە لە ناوچەکانى دەورووبەرى گوندی سسە لە لیجەى ئامەد دەستیکردووە بە ئەنجامدانى ئۆپراسیۆن. جەردەوانەکانیش بەشدارن لە ئۆپراسیۆنەکەدا و ئۆپراسیۆنەکەش بە پشتیوانیى هێزى ئاسمانی بەردەوامیى هەیە.
بەپێى زانیارییە سەرەتاییەکان، لەنێوان گەریلاکانى هەپەگە و سەربازانى تورکیا لەو ناوچەیەدا شەڕێکى قورس لە ئارادایە، بەڵام لەبارەی شەڕەکە و زیانەکانییەوە زانیارى روون لە بەردەستدا نییە.
هەروەها کۆپتەرە جەنگییەکانى تورکیا دەستیان کردووە بە بۆردومانکردنى سنوورى ئەو ناوچەیە و ئۆپراسیۆنەکەش بەردەوامیى هەیە.
ئۆپراسیۆنەکەی سوپاى تورکیا لە لیجە لەکاتێکدا بەڕێوە دەچێت، کە وادەى هەڵبژاردنى ٢٤ى حوزەیران / ٣ى پووشپەڕ نزیک بووەتەوە و لایەنەکان سەرقاڵى ئامادەکاری و بانگەشەى هەڵبژاردنن.
ر.م