لە ماوەی ٣ رۆژدا بۆ جاری دووەم خورماتوو هاوەنبارنکرا
داعش لەم هەفتەیەدا بۆ جاری دووەم بە چەکی هاوەن هێرشی کردە سەر ناوەندی قەزای خورماتوو.
داعش لەم هەفتەیەدا بۆ جاری دووەم بە چەکی هاوەن هێرشی کردە سەر ناوەندی قەزای خورماتوو.
پێشنیوەڕۆی ئەمڕۆ بە ٦ گولــلە هاوەن هێرشکرایە سەر گەڕەکی مالا سفر لە ناوەندی قەزای خورماتوو، بەپیێی ئەو ئامارە سەرەتاییانەی دەست ئاژانسی هەواڵی فورات (ANF) کەوتوون ٣ کەس لە ئاکامی ئەو هێرشەدا بریندار بوون.
دەربارەی ئەم هێرشە، عەمید حوسێن عەلی بەرێوبەری پۆلیسی خورماتوو بە ئاژانسی هەواڵی فورات (ANF)ی ڕاگەیاند: "پێشنیوەڕۆی ئەمڕۆ قەزای دووزخورماتوو بە ٦ گولـلە هاوەن هێرشیکرایە سەر و ئەمەش جاری دووەمە و لە ماوەی سێ رۆژدا داعش بەگولـلە هاوەن هێرش بکاتە سەر ناوەندی قەزای خوورماتوو."
هەروەها عەمید حوسێن عەلی ڕاشیگەیاند: "گولـلە هاوەنەکان لە پشتی ناوچە چیاکانەوە ئاراستەی ناوەندی قەزای خورماتوو کراون، وەکو ئاشکرایە لەو سنوورە لە ناوچە چیایەکان موڵگەکانی پاشماوەکانی داعشی لێ ماوە."
سەرچاوەیەک لە نەخۆشخانەی فریاکەوتنی خورماتوو پێی راگەیاندین: "دوای هێرشەکە بریندارەکان گواسترانەوە بۆ نەخۆشخانەی فریاکەوتنی خورماتوو بۆ ئەوەی فریادگوزاریی سەرەتایی پێشکەش بە بریندارەکان بکرێت."
ئەوەش لە کاتێکدایە ٣ رۆژ پێش ئیستا بەهەمان شێوە بە ٤ گولـلە هاوەن گەڕەکی مەلا ئەحمەد لە ناوەندی قەزای خورماتو هاوەنباران کرا.
ژ.ت