لە مەریوان بە هۆی تەقینەوەی مین٣ کۆڵبەری کورد بوونە قوربانی

بە پیی ئەو زانیارییانەی کە بە ناوەندی هەواڵی فورات گەیشتووە لە سەرسنوورەکانی نێوان ڕۆژهەڵات و باشووری کوردستان لە نزیک شاری مەریوان-ی رۆژهەڵاتی کوردستان بە هۆی تەقینەوەی مین دووکۆڵبەرکوژران ویەک کۆڵبەری دیکەش بە قوورسی بریندار بووە.

بە وتەی بەرپرسی مانگی سوور (هیلال ئەحمەر)ی مەریوان ئەو تەقینەوەیە لە ٦ کم گوندی دەرەوەران-ی سەربە شاری مەریوانی-ی رۆژهەڵاتی کوردستان ڕوویداوە و لەئەنجامدا ٢ کۆڵبەری کورد کوژران وکۆڵبەرێکی دیکە بریندار بووە.

سەرچاوەکانی هەوال ناسنامەی ئەودوو کۆڵبەرەیان عەبدوڵا محمەدزادە دانیشتووی گوندی تەیناڵی مەریوان وعەلی نادری خەڵکی گوندی گۆنۆ-ی دیواندەرە راگەیاندووە ، هەروەها ناوی ئەوکۆڵبەرە بریندارەکە کە بە هۆی تەقینەوەکەوە لاقێکی لەدەستداوە حەمید خەلکی گوندی بانی چۆی سنەیە.

 تەرمی کۆڵبەرە کوژراوو بریندارەکان ڕەوانەی نەخۆشخانەی 'بوعەلی' مەریوان کراوە.

شایانی باسە کە ماوەیەک پێس ئیستا لە سنوورەکانی نێوان ڕۆژهەڵات وباشووری کوردستان کۆڵبەرێکی کورد بە ناوی ئەسکەندەر گاگشی بە هۆی تەقینەوەی مینەوە گیانی لەدەست دابوو.

ک-ش