ڕێپێوانەکە بە پێشەنگایەتی دەستەی کوردی دیموکراتیکی فەڕەنسا و تەڤگەری ژنانی کوردی فەڕەنسا لە Vîlleneûve Saînt Georgesی فەڕەنسا بە دروشمی 'ئازادی بۆ ئۆجالان' دەستیپێکرد.

ڕێپیوانەکە کاتژمێر ١٢:٠٠ لە بەرامبەر شارەوانی Vîlleneûve Saînt  دەستیپێکرد. لە گۆڕەپانەکە سەرۆکی شارەوانی Vîlleneûve Saînt Georges و ئەندامانی دەستەی دیوانی کەجەدەکە ئەوروپا قسەیان کرد.

سەرۆکی شارەوانی Vîlleneûve Saînt Georges ڕایگەیاند، پێویستە لە سەرەتادا فەڕەنسا تێکۆشان و فیداکاری ژنانی کورد و گەلی کورد لەدژی چەتەکانی داعش لەبیرنەکات. پێویستە پەکەکە لە لیستی تیرۆر دەربهێنرێت و ئۆجالان ئازادبکرێت.

موراد چەیلان ئەندامی دەستەی دیوانی کەجەدەکە ئەوروپا ٢١مین ساڵیادی پیلانگێری نێودەوڵەتی سەر ئۆجالانی شەرمەزار کرد و وتی، " بە پیلانگێڕی نێودەوڵەتی ویستیان ڕامانی ڕێبەر ئاپۆ دیل بگرن، بەڵام ئەوە بە قاڕەمانی و بەرخۆدانی فیدایی ڕێبەر ئاپۆ و هاورێکانی پوچەڵکرایەوە. تا ڕێبەرایەتی خۆمان بە فیزیکی ئازاد نەکەین، بەرخۆدان بەردەوام دەبێت.

ڕێپێوانەکە ٣ ڕۆژ بەردەوام دەبێت و دۆسیەی تایبەت لەبارەی پیلانگێڕێ نێودەوڵەتی بەرامبەر ڕێبەری گەلی کورد پێشکەش دەکرێت.

ڕێپێوانەکە ڕۆژی یەکشەمە کاتژمێر ١٣:٠٠ بە میتینگێک لە گۆڕەپانی Repûblîqûey کۆتایی دێت.

ف.ق