هه‌په‌گه‌ ناسنامه‌ی ٦ شه‌هیدی ئاشكرا كرد

هه‌په‌گه‌ ناسنامه‌ی ٦ گه‌ریلای ئاشكرا كرد كه‌ مانگی نیسان له‌ باكووری كوردستان شه‌هید بوون.

ناوه‌ندی ڕاگه‌یاندنی هێزه‌كانی پاراستنی گه‌ل - هه‌په‌گه‌ ناسنامه‌ی ٦ گه‌ریلای ئاشكرا كرد كه‌ له‌ ٤ی نیسانی ٢٠١٨ له‌ ناوچه‌ی پیله‌مووری دێرسم شه‌هید بوون.

ده‌قی ڕاگه‌یه‌ندراوه‌كه‌ی هه‌په‌گه‌:

له‌ ڕاگه‌یه‌ندراوی ١١ی نیسانی ٢٠١٨دا، ئێمه‌ ڕامانگه‌یاندبوو كه‌ له‌نێوان ٢-٤ی نیسان له‌ مه‌یدانه‌كانی شه‌هید هه‌ربژی و شه‌هید حه‌سه‌نی ناوچه‌ی پیله‌مووری دێرسم، سوپای كۆماری توركیای داگیركه‌ر ده‌ستی به‌ ئۆپه‌راسیۆنێك كردووه‌ و له‌نێوان هێزه‌كانی ئێمه‌ی گه‌ریلا و یه‌كه‌كانی دوژمن شه‌ڕێكی سه‌خت ڕوویداوه‌. به‌ پێشه‌نگایه‌تیی فه‌رمانداری هه‌رێمی ئه‌رزرۆم هه‌ڤاڵی ئێمه‌ كه‌مال گارزان (مه‌ده‌نی سایلگان) داستانی قاره‌مانه‌تی ئافرێندرا. ئێمه‌ ئاشكرامان كردبوو كه‌ ٦ هه‌ڤاڵی ئێمه‌ شه‌هید بوون. هه‌ر ٦ هه‌ڤاڵه‌كه‌مان كه‌ له‌ دژی هێرشی قڕكردن و داگیركاریی ده‌وڵه‌تی كۆماری توركیا به‌شێوه‌یه‌كی فیدایی شه‌ڕیان كرد، هه‌تا دوافیشه‌كی خۆیان تێكۆشان. به‌هۆی هه‌لومه‌رجی شه‌ڕ، ناسنامه‌ی ٦ هه‌ڤاڵه‌كه‌مان تازه‌ ئاشكرا بووه‌.

ناسنامه‌ی شه‌هیدان

ناسناو: چه‌كدار مامكووت
ناو و پاشناو: چه‌كان ئاسووس
شوێنی له‌دایكبوون: ئێلیح
ناوی دایك و باوك: ئایشه‌ - نه‌وزاد
كات و شوێنی شه‌هیدبوون: ٤ی نیسانی ٢٠١٨ - دێرسم

ناسناو: هاروون موونزوور
ناو و پاشناو: ماشه‌ڵا مالازگیرت
شوێنی له‌دایكبوون: چه‌ولیك
ناوی دایك و باوك: فاتمه‌ - ئاراپ
كات و شوێنی شه‌هیدبوون: ٤ی نیسانی ٢٠١٨ - دێرسم

ناسناو: ڕۆژهات گیڤارا
ناو و پاشناو: ئۆزگور ئوچووجوو
شوێنی له‌دایكبوون: مووش
ناوی دایك و باوك: شه‌كه‌رناز - ڕه‌مه‌زان
كات و شوێنی شه‌هیدبوون: ٤ی نیسانی ٢٠١٨ - دێرسم

ناسناو: سیپان خه‌لات
ناو و پاشناو: عه‌بدوڵا كۆركماز
شوێنی له‌دایكبوون: مووش
ناوی دایك و باوك: گولازه‌ر - جه‌لال
كات و شوێنی شه‌هیدبوون: ٤ی نیسانی ٢٠١٨ - دێرسم

ناسناو: سۆرۆ هازرۆ
ناو و پاشناو: مه‌همه‌ت ڕه‌هبه‌ر چه‌تین
شوێنی له‌دایكبوون: ئامه‌د
ناوی دایك و باوك: ئایهان - موحسین
كات و شوێنی شه‌هیدبوون: ٤ی نیسانی ٢٠١٨ - دێرسم

ناسناو: وه‌لات ڕێدوور
ناو و پاشناو: یاكووپ ده‌نیز
شوێنی له‌دایكبوون: ئه‌رزرۆم
ناوی دایك و باوك: ئانتیكا - سادی
كات و شوێنی شه‌هیدبوون: ٤ی نیسانی ٢٠١٨ - دێرسم

هه‌ڵوێستی هه‌ر هه‌ڤاڵێكی ئێمه‌ كه‌ شه‌هید بووه‌، بووه‌ته‌ ڕێبازی به‌رخۆدانی سه‌رده‌می نوێی تێكۆشانی ئازادیی ئێمه‌ و پیشانی دا كه‌ باجه‌كه‌ی هه‌ر چییه‌ك بێت، گه‌لی كورد هه‌رگیز ده‌ست له‌ هه‌ڵوێستی فیداكاریی شۆڕشگێڕانه‌ به‌رنادات. به‌رخۆدانی ئه‌مڕۆ كه‌ له‌ هه‌ر ٤ پارچه‌ی كوردستان هه‌یه‌، له‌ سایه‌ی ئه‌م هه‌ڵوێسته‌ فیداییه‌ی شه‌هیدانی ئێمه‌ بڵاوده‌بێته‌وه‌ و ویستی دوژمن بۆ كۆتاییهێنان به‌ گه‌ریلا بێ ئه‌نجام ده‌كات. ڕۆحی هه‌ڵمه‌تی شۆڕشگێڕیی به‌رخۆدانی ئاپۆیی كه‌ له‌ ده‌شت، چیا و شاره‌كانی كوردستان بڵاوبووه‌ته‌وه‌، ئاشكرایه‌ كه‌ ئه‌مڕۆ بووه‌ته‌ هێزی بنه‌ڕه‌تیی پاراستنی گه‌له‌كه‌مان. هه‌ر گیانێكی ئێمه‌ كه‌ شه‌هید بووه‌، نیشانه‌ی زیندوویی و دڵسۆزییه‌ بۆ ئازادیی گه‌له‌كه‌مان. نه‌ریتی به‌رخۆدانی په‌كه‌كه‌ هه‌رگیز ته‌سلیم ناگیرێت. هه‌ر شه‌هیدێكی ئێمه‌ كه‌ نموونه‌ی ڕێبازی فیدایی هه‌ڵمه‌ته‌كانی شۆڕشگێڕیی ساڵی ٢٠١٨یه‌، ڕاستییه‌كی زیندووه‌ كه‌ هه‌ڵوێستی به‌ بڕیاری بزووتنه‌وه‌ی ئازادیی كوردیان پیشانی دۆست و دوژمن داوه‌.

به‌هۆی شه‌هیدبوونی هه‌ر یه‌كێك له‌ هه‌ڤاڵانمان كه‌ فیداكارانه‌ شه‌ڕیان كردووه‌، پرسه‌ و سه‌ره‌خۆشی ئاراسته‌ی خانه‌واده‌ی شه‌هیدان و هه‌موو گه‌لی وه‌ڵاتپارێز ده‌كه‌ین. ئێمه‌ به‌ڵێنی خۆمان دووباره‌ ده‌كه‌ین كه‌ هه‌تا به‌دیهێنانی ئازادیی گه‌له‌كه‌مان كه‌ خه‌ون و خه‌یاڵی شه‌هیده‌كانمانه‌، تێبكۆشین.

s.m