هەدەپە دواى هەفتەیەک لە کۆبوونەوەى لەگەڵ حیزب و لایەنەکانى باکووری کوردستان بۆ یەکێتیى نەتەوەیى و هەڵبژاردن، کۆبوونەوەیەکى تری لەگەڵ حیزب و لایەنەکانى باکووری کوردستان ئەنجامدا.

پەروین بوڵدان هاوسەرۆکى گشتیى هەدەپە، ئەحمەد تورک سیاسەتمەدار، ئیمام تاشچەر، نەجدەت ئیپەک یوز و تەیب تەمەل پەرلەمانتارانی هەدەپە و نوێنەرانی پارتی ئازادی و سۆسیالیزم (OSP)، پارتى دیموکراتى کوردستان – تورکیا (PDK-T)، پارتی دیموکراتى کوردستان – باکوور (KDP-Bakur)،  حیزبی حەرەکەتى ئازادی، حیزبی مرۆڤ و ئازادی کۆبوونەوە.

کۆبوونەوەى هەدەپە و ئەو لایەنانە لە هۆتێل دەمیری ئامەد بۆ ماوەى ٣ کاتژمێر بەڕێوەچوو.

هەفتەى رابردوو هەدەپە و حیزب و لایەنە کوردستانییەکانى باکووری کوردستان کۆبوونەوەیەکیان ئەنجامدا. ئەوەندەى زانیارى لەبارەى کۆبوونەوەکانى هەدەپە و لایەنە کوردستانییەکانى باکووری کوردستان بڵاوبووەتەوە، کۆبوونەوەکان لەبارەی دروستکردنى یەکێتیى نەتەوەیى و هەڵبژاردنى شارەوانییەکانەوە ئەنجامدراون، بەڵام تاوەکو ئێستا هەدەپە هیچ زانیارییەکى لەبارەى کۆبوونەوەکانەوە بڵانەکردووەتەوە.

ر.م