هەپەگە لە شرنەخ چالاکی ئەنجامدا، سەربازێک سزادرا

گەریلاکان لە دەربەندی وارا لە گۆڕەپانی کاتۆ ژیرکای ناوچەی ئەلکێی سەر بە شرنەخ سەربازێکی داگیرکەرانیان سزادا.

ناوەندی راگەیاندن و چاپەمەنی هەپەگە لە بارەی چالاکی گەریلاکان و هێرشی داگیرکەرانی تورک راگەیێنراوێکی بڵاو کردەوە کە تێیدا هاتووە:

"٣ی ئەیلول سوپای داگیرکەری تورک ناوچەکانی گوندک رەمۆ و گردی حرمۆی سەر بە شاری جودیی شڕنەخیان بە ئۆبوس و هاوەن توپباران کرد. ٨ی ئەیلول هێزی داگیرکەران بە هەلیکۆپتەر ناوچەکانی ناوسارای جودیان بوردومان کرد، بە سکۆرسکی سەربازەکانی لە ناوچەکە جێگیر کرد و ئۆپڕاسیۆنیان دەستپێکرد. لە ئەنجامی بوردومانەکەدا ئەو ئاگرەی لە گوندک رەمۆ و گردی حرمۆ و ناسارای جودی کەوتووەتەوە، تا ئێستاش بەردەوامە.

لە چوارچێوەی هەنگاوی تۆڵەسەندنەوەی شەهید میدیا کاوا و شەهید رزگار گەڤەردا لە ٨ی ئەیلولدا دەربەندی وارا لە گۆڕەپانی کاتۆ ژیرکای سەر بە ناوچەی ئەلکێی شرنەخ هێزەکانمان، سوپای دەوڵەتی داگیرکەری تورکیان بە ئامانج گرت. لەو چالاکیەدا هێندەی ئاشکرا بوو، سەربازێک سزادرا.   

هێرشە ئاسمانیەکان

سوپای داگیرکەری دەوڵەتی تورک هێرشی کردە سەر هەرێمەکانی پاراستن میدیا. لەو چوارچێوەیەدا؛

٩ی ئەیلول لە کاتژمێر ١٣:٣٠ خولەک فڕۆکە جەنگیەکانی سوپای داگیرکەری تورک ناوچەی سیدای سەر بە هەرێمی زاپی سەر بە هەرێمەکانی پاراستنی میدیا و لە کاتژمێر ١٤:٠٠ دەوروبەری گوندی فەڵەیان بوردومان کرد.

هەمان رۆژ لە کاتژمێر ٠٨:٠٠ سوپای داگیرکەری تورک ناوچەی ستونای سەر بە هەرێمی ئاڤاشینیان بە ئۆبوس تۆپباران کرد. لە ئەنجامی بوردومانەکەدا ناوچەکە ئاگری گرتووە و تا ئێستاش بەردەوامە."

ز.ش