هێزەکانی پاراستنی گەل (هەپەگە) ئاشکرای کرد کە گەریلای بە ناوی خەلیل کایگوسووز (هەرەکول ئارتێش) لە شاری وانی باکوردی کوردستان گیانی بەخت کردوو وتی:" تا دوا هەناسەی گورزی کوشتندەی لە دوژمن داوەو گیانی بەخت کرد."
ناوەندی راگەیاندن و چاپەمەنی هەپەگە لە بارەی شەهیدبوونی گەریلای بەنای خەلیل کایگوسووز (هەرەکول ئارتێش) کە لە ٢٤ی مانگی تەمووز لە شاری وان شەهید بوو، لێدوانێکی بڵاو کردەوە.
دەقی لێدوانەکەی هەپەگە بەم شێوەیەیە:
"لە ٢٤ی تەمووزدا لە ناوچەی گەلی زیلانی ئەردیشی سەر بە شاری وان هێزەکانمان رووبەرووی هێرشێکی سوپای تورکی داگیرکەر بوونەوەو لە ئەنجامدا شەڕو پێکدانان رووی دا. لەو شەڕەدا هاوخەبات و هەڤاڵمان (هەرەکول) بە گیانێکی قاڕەمانانە بەرامبەر بە دوژمن جەنگاو دواجار شەهید بووە.
ناسنامەی شەهیدەکەمان بریتییە لە:
نازناو: هەرەکول ئارتێش
ناوی تەواو: خەلیل کایگوسووز
شوێنی لەدایک بوون: سێرت
ناوی دایک و باوک: زەینەب – حەمید
شوێن و بەرواری شەهیدبوون: ٢٤ی تەمووزی ٢٠١٩ - وان
هاوڕێمان هەرەکول لە ساڵی ١٩٨٧ لە ناوچەی دهێی شاری سێرت لە دایک بووە و لە تەمەنی هەرزەکاریدا هەستی بە ستەمکارییەکانی دوژمن کرد. هاوڕی (هەرەکول) لە ساڵی ١٩٩٦ کۆچی کردووە بۆ شاری دیلۆک و لەوێ بزوتنەوەی ئازادیی ناسیوەو لەساڵی ٢٠٠٧ دا بڕیاری داوە بەشداری ریزەکانی گەریلا ببێت.
هەڤاڵ هەرەکول دەیویست هەموو شوێن و کاتێکی لەسەر ئەم رێگایە واتەدار بکات و بەم بڕوایە لە ناو ریزەکانی پەکەکەدا خۆی لەسەر هێڵی فیدائی پێش خست. بەم بڕیارە لە ساڵی ٢٠١٤ دەچێت بۆ هەڕێمی سەرحەد و لەوێ خەبات بەردەوام دەکات. هاورێمان هەرەکول بە رەنجدەری و ئارامگری و خۆشەویستی بۆ هەڤاڵانی و وابەستەبوونەوە، بەرپرسیارێتیەکانی جێبەجێ دەکات.
هەڤاڵ هەرەکول لە شەڕ و رووبەرووبوونەوەیەکدا لە هەرێمی گەلی زیلان تا دوا هەناسەی بەرامبەر بە دوژمن جەنگاو گیانی بەخت کر.
بەم بۆنەیەوە سەرەخۆشی خۆمان ئاڕاستەی خانەوادەو کەس و کاری هەڤاڵمان هەرەکول و هەموو گەلی وڵاتپارێزی کوردستان دەکەین و بەڵێن دووپات دەکەینەوە کە ئامانجەکەمان بۆ کوردستانی ئازاد و رێبەرایەتیی ئازاد بەجێ دەهێنین."
ز.ش
